Read chopi Masalmo 47 Bible Online

Masalmo 47 - chopi bible

Masalmo 47

¹Ndando ya mtxawa wa ka Kora. Ka mthangeli wa vaembeleli Anu motshenu vathu, pekani manza! Losani Txizimu ngu mikulungwani ya kutsaka!

²Nguko MKOMA Nyatxitimwi mbwa kuthisa; ngene Mfumeli wa hombe wa mafu otshe.

³MKOMA a khozisile vamatiko, e va veka hahatshi ka mfumo wathu a txi nonisa mifumo hahatshi ka mikondo yathu.

⁴Athu a hi sawulete thomba yathu, wudhumo wa Jakobe, txirandwa txakwe.

⁵Txizimu txi txhatukile txitimwi hagari ka mikulungwani ni kuvetwa ka mpundu!

⁶Embelelani tindando ka Txizimu, embelelani! Embelelani tindando ka MKOMA wathu, embelelani!

⁷Txizimu i Mfumeli wa sotshe! Embelelani tindando to tsakisa ngutu!

⁸Txizimu txa fuma txitimwi ka votshe vathu, Txizimu txi khalahatshile ha txikhaloni ka wukoma.

⁹Vathangeli va vathu va tshangani ve ti pata ni vathu va Txizimu txa Abrahamu. Nguko mifumo ya ha mafuni yi lumba Txizimu; Txizimu txi maneka txitimwi ka sotshe!