Read chopi Masalmo 51 Bible Online

Masalmo 51 - chopi bible

Masalmo 51

¹Disalmo da Dhavhidha. Ka mthangeli wa vaembeleli. Di nga bhalwa msana ka kuva Mprofeti Nathani a di wombawombile Dhavhidha, ngu mhaka ya txionho txi a nga txi maha ni Bhate-Sebha Telwa ngu wumbilu ngu ngani, Txizimu, ngu konaho ka lirando lako; pfhita sihambunyeto sangu, madingano ni wumbilu wo tala!

²Ni kuwule ka wotshe wubihi wangu; u txi ni basisa ka sotshe sionho sangu.

³ Nguko ani, na si ziva sihambunyeto sangu yotshe mbimo ni khumbuka sionho sangu.

⁴Ni kuonhete, ngawe wekha ni nga kuonhela, ngu kumaha kubiha ku awe u ku nyenyako. Ngu mhaka yeto, u na ni fanelo ngako u txi ni lamula kambe ti lulamile ngako u txi ni abanisa.

⁵Kha ditshuri, ni m'bihi kukhukhela ni txi velekwa; ni muonhi kukhukhela mndani ka mame wangu.

⁶Wona taku u dhunda ditshuri mbiluni; ni gondise kuziva wutxhari mbiluni.

⁷Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

⁸Ni ninge kuengisa mapswi a litsako ni kunengela; ni na tshumela ni tsaka, hambiko u nga funyeletela sihango sangu.

⁹U nga wone sionho sangu kambe pfhita sotshe sionho sangu.

¹⁰Awe Txizimu, ni he mbilu ya yinene; wuseta m'hefemulo wangu, u txi wu tsanisa.

¹¹U nga ni rethele kule ni nawe, u nga ni tekele moya wako wo sawuleka!

¹²Ni wuyisele litsako la kuhanyisa kwako; u txi ni tsanisa ngu moya wako wa mtamo.

¹³Sekoko ni gondisa tinzila tako ka vaonhi se vaonhi va na tshumelelela kwako.

¹⁴Awe Txizimu, ngawe u ni hanyisako! Ni hulukise ka lifo ni na huwelela ngu tindando ti to u lulamile.

¹⁵MKOMA, tula txisofu txangu; kasiku ni na sikota kuhuwelela wudhumo wako.

¹⁶Awe khu lavi timhamba; ani nga ni txi ku mahela; awe khu khatali ngu miningelo ya sihari so hiswa.

¹⁷Mhamba yi yi tsakisako Txizimu ngu kupandiseka ka mbilu. Awe Txizimu khu nyenyi mbilu yi yi pandisekako ni kutiveka hahatshi.

¹⁸Xayisa Siyoni ngu wunene ni wumbilu wako; aketa maguma a Jerusalema.

¹⁹Sekoko u na amukela ngu kutsaka timhamba ti i ku tona, timhamba to hiswa ni minigelo sotshe si na hiswa ngu mndilo. Konako ku na mahwa miningelo ya marole ha txiluveloni kwako.