Read chopi Masalmo 53 Bible Online

Masalmo 53 - chopi bible

Masalmo 53

¹Txithokozelo txa Dhavhidha. Ka mthangeli wa vaembeleli - Txo embelelwa ngu txiya txa tingoti Txiphukuphuku txi ti kha txona ngu mbiluni ka txona: “Kha txi nga ho Txizimu!” Vathu va onhekile, va maha mithumo yo nyenyeza; kha ku nga ho ni wammweyo a mahako ta tinene!

²Txizimu txi woni vathu txi di nzumani, kasi kuziva ti to mwendo ku ni wammweyo a ku ni mapimo; m'thu wu a lavako Txizimu.

³Aniko votshe va tekile tinzila to biha, votshe ngu kufana va onhekile. Ku walo wu a mahako ta tinene, hambi ni wammweyo!

⁴Vathu vo biha, va kakatxulako vathu vangu, kufana ni wule a dyako sakudya, ava va si khozeliko Txizimu ina kha va sikoti kutipima kani?

⁵Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

⁶Oh, idiku kuhanyiswa ka Israyeli ko ta ngu Siyoni! Ngako Txizimu txi txi wuyisa vathu va txona ngu wukhumbini, liveleko la Jakobe li na tsaka, vathu va ka Israyeli va na nengela.