Read chopi Masalmo 6 Bible Online

Masalmo 6 - chopi bible

Masalmo 6

¹Disalmo da Dhavhidha. Ka mthangeli wa vaembeleli - ka sitende sa mtxhanu wa tingoti ni tiraru. MKOMA, u nga ni kawuke u di henyile, kambe u nga ni tsayise, u di ni txiviti.

²Telwa ngu wumbilu ngu ngani, MKOMA, nguko na thidhela; ni kondete, MKOMA, nguko marambu angu ma dhudhumela.

³Ni wona moya wangu, MKOMA, wa dhudhumela. Ni na kurinzela kala ditshiku muni, kani?

⁴Wuya, MKOMA, u ta hulukisa moya wangu; ni hanyise, ngu wumbilu wako.

⁵Msana ka kufa, kuwalo wu a no kualakanya. I mani a no kudhumisa diyivani, kani?

⁶Ni karate ngu kudila. Wusiku ni wusiku ni nakanisa m'bhedhu wangu ngu mirongo ni tata ngu mirongo, txikhigelo txangu.

⁷Maso angu ma simba ngu kudila, ma kumbiswa ngu votshe valala vangu.

⁸ Khukhani kwangu motshenu mi mahetelako kubiha, nguko MKOMA a engisile dipswi da kudila kwangu.

⁹MKOMA a engisile txikombelo txangu MKOMA a amukete mkombelo wangu.

¹⁰Votshe valala vangu va na wiswe tingana ni kudhukiswa, va na tshumelele msana, ve khawuliswa, ngu kukuluveta.