Read chopi Masalmo 66 Bible Online

Masalmo 66 - chopi bible

Masalmo 66

¹Disalmo. Ndando. Ka mthangeli wa vaembeleli. Dhumisani Txizimu ngu kudhinda ka litsako la hombe, anu motshenu matiko!

²Embelelani wundhumo wa ditina da Txizimu; ningani wudhumo ka wundhundo wa Txizimu.

³Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

⁴Ditiko dotshe da kukhozela di txi kudhumisa ngu tindando; votshe va embelela tindando ka ditina dako.”

⁵Ngonani mi ta wona mithumo ya Txizimu, sidiwukiso si txona txi nga si maha masoni ka vathu.

⁶ Txi hindute linene li maha mafu a kuoma; vakale vathu va tshawunyetile mnambo ngu mikondo. Ngu toneto, a hi tsakeni!

⁷Ngu mtamo wa txona txa fuma yotshe mbimo; ngu maso a txona txa xayisa mifumo, ti to sigevenga si si txi wukeli.

⁸Vathu, bongani Txizimu txathu! Embelelani tindando ta ku txi dhumisa!

⁹Ngu Njizimu txi hanyisako wutomi wathu kha txi tumeli ti to mikondo yathu yi rithimuka.

¹⁰Txizimu, u hi dukile; u hi basisile ku nga ti ti mahwako ka silivhela!

¹¹U hi lekile hi txi wa ha mlawuni; u hi rwekile mrwalo wo nemela ngutu.

¹²U mahile ti to hi txi welwa ngu mtungu; hi pindile ngu hagari ka mndilo ni ka mati, aniko, ngu magwito, u hi humutile.

¹³Ni na phaxa mhamba ya sihari, amu nyumbani kwako ni tatisa sixambanyo si ni nga si maha,

¹⁴sithembiso si ani nipune ni nga ku mahela, mbimo yi ni nga ti kuxuphekani.

¹⁵Ni na hisa txiluveloni kwako sihari so nona; ni na ku luva ngu tihamba, marole ni tiphongo.

¹⁶Ngonani mi ta engisa, motshenu mi kholwako ka Txizimu! Ni nata mi xawutela atile txona txi nga ni mahela!

¹⁷Ni txi dhani ni txi txi kombela txivhuno; ni txi dhumisile ngu tindando.

¹⁸Idiku ani ni ti mahile kubiha kokari, MKOMA nga a sa engisa dipswi dangu.

¹⁹Aniko Txizimu txi ni engisile txi engisile mkombelo wangu.

²⁰Txi na bongwe Txizimu, txi nga mbi tsukula mkombelo wangu, txi nga mbi ni lambela lirando la txona.