Read chopi Masalmo 70 Bible Online

Masalmo 70 - chopi bible

Masalmo 70

¹Ngu kualakanya. Ka mthangeli wa vaembeleli. Ngono ngu kukuluveta, Txizimu, u ta ni ponisa! Ngono ngu kukuluveta, MKOMA, u ta ni lamulela!

²Va na kanganyiseke va txi thelwa tingana avale va lavako ku ni daya; va na khukhe va ve tutuma ngu tingana avale va tsakelako dikhombo dangu!

³Va na tshumelele msana ngu tingana avale va ni mimelako, va txi kha vona: “Ha! Ha!”

⁴Aniko va na tale ngu kutsaka votshe avale va ku lavako; avale va navelako kuhanyisa kwako va na simame va txi kha vona: “Txizimu nja hombe!”

⁵Ani ni txisiwana, ni txikulungu; Txizimu, ngono ngu kukuluveta u ta ni vhuna. Awe u txivhuno txangu, m'hulukisi wangu; u nga swele, MKOMA!