Read chopi Masalmo 8 Bible Online

Masalmo 8 - chopi bible

Masalmo 8

¹Disalmo da Dhavhidha. Ka mthangeli wa vaembeleli. Disalmo da tindando ta Dhavhidha, txitimwi ka Gititi. Awe MKOMA, Txizimu txathu, ditina dako di ni nduma ka otshe mafu! Ni na pfalisa wudhumo wako wu nga guleka txitimwi ka Nzuma.

² Ngu wudhumo wu wu humako sisofuni ka vanana ni ka vadotho. U mahile mkhokhola wa ku ti vhikela ka valala vako, kasiku u txi malata valala ni vaphoteli.

³Ngako ni txi wonisisa nzuma, mthumo wa manza ako, ni mtxima ni tinyeleti, asi u nga si maha, ni pimisa ni txi khani;

⁴nji txani m'thu, kasiku u txi mu alakanya, kani? Ene m'thu wa nyama i mani, kasiku u txi mkhatalela kani?

⁵Hambi ti di halo, u mmahile a txi nga ova Txizimu u mningile m'bhoti wa wudhumo ni lisima.

⁶ U mningile kufuma sotshe si u nga si maha, sotshe u si vekile hahatshi ka mikondo yakwe:

⁷Totshe tinvuta ni tihomu, kumweko ni sihari sa txitinga;

⁸sinyana sa nzuma, sihaka sa linene ni sotshe si zumbako lineneni.

⁹MKOMA, MKOMA wathu, ditina dako di ni nduma ka otshe mafu!