Read chopi Masalmo 83 Bible Online

Masalmo 83 - chopi bible

Masalmo 83

¹Disalmo da Asafe. Ndando. Txizimu, u nga malale! U nga khutarele mawoko u txi wonetela, awe Txizimu!

²Wona valala vako va maha pfilu-pfilu; ni vale va ku vengako va kuwukela.

³Va lukile marindi o wukela vathu vako, ve maha txikungo txo daya vale u va vhikelako.

⁴Vona va kha vona: “He va fuviseni hagari ka vathu, kasiku di si swi di txi khumbulwa ditina da Israyeli.”

⁵Votshe va mahile txikungo ngu mbilu yimweyo txo kuwukela; ve pfana kasi kulwa ni nawe.

⁶Ava va mahako tiya ngu Vaedhomi ni Vaismayeli, liveleko la Mowabhi ni la Agari,

⁷ngu Vagedhali, Vaamoni ni Vaamaleki, Vafilista ni vaaki va Tiro

⁸hambi ni Vasiriya va patanile navo ve tshanganisa mtamo wawe ni wa va ka Loti.

⁹Awe Txizimu, va mahe nga ti u nga mahisa tona vathu va Midhiyani ni Vasisera, mwendo ku nga ti u nga mahisa tona ka Jobhini mlongani ka Kixoni.

¹⁰Va mbambamisilwe ditikoni ka Endori sirumbi sawe si sina mafuni!

¹¹Maha ka manganakana awe nga ti u nga maha ka Orebhi ni Zehebhi; maha ka tinduna tawe nga ti u nga maha ka Zebha ni Tshalimuna,

¹²avale va nga ti xambanyile kuteka ditiko da Txizimu.

¹³Awe Txizimu txangu, va hangalase nga lithulu, va txi nga mwasi wu wu huhiswako ngu diphuho.

¹⁴Nga ti mndilo wu hisako txitinga, nga ti wuhya wu hisako mimango,

¹⁵va tutumise nawe ngu txihuhuri txako, u txi va hinga ngu txingulu txako!

¹⁶Va thele tingana, MKOMA, kasiku va txi kulava!

¹⁷Va na zive ti to ngawe wekha u wombwako taku u MKOMA,

¹⁸Kasiku va na tiziva awu di lumbako kwakwe ditina daku MKOMA, U Nyatxitimwi ka otshe mafuni!