Read chopi Mavingu 28 Bible Online

Mavingu 28 - chopi bible

Mavingu 28

¹Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

²Ngu mhaka ya wuhambunyeti wa mafu, mbangi va lavako wuthangeli, aniko ngu mahaka ya vathu vo txhariha ni kupfisisa, ma na simama ma diho.

³Txisiwana txile txi tsindavetako sisiwana, txi fanana ni mati a ndambi, ma si siyiko fulaho ni ya yimweyo.

⁴Avale va lekako mlayo va dhunda muonhi; aniko ava va xayisako milayo va lwisana navo.

⁵Vathu vo biha kha va ti zivi to lulama, kambe avale va xotako MKOMA va ti pima totshe.

⁶I txhuko txisiwana txile txi tsimbilako ditshurini, kupinda nyatithombe wa tinzila to biha.

⁷Awule a veketako mlayo, mwanana wo txhariha, aniko mngana wa vale va lidyo, wa thela tingana tate wakwe.

⁸Awule a andisako thomba yakwe ngu dibhindu do biha ni ku honyolela sa vakwawe, a vekela wule a pfelako sisiwana.

⁹Awule a vayilelisako tinzeve takwe mu ka kuengisa milayo, hambi mkombelo wakwe wu nave txinyenyeko.

¹⁰Awule a jikisako vo lulama ve huma e va yisa ka nzila yo biha, ene apune a na wa ka dona diphaledo dakwe; aniko avale va ditshuri va na wuyelwa ngu wunene.

¹¹Nyatithombe a ti wona a di txharihile apune; aniko txisiwana txile txo txhariha, txi na mtumbula.

¹²Mbimo yile vo lulama va humelelako, ku ni kutsaka ka hombe; aniko ku txi humelela muonhi, vathu va sisala.

¹³Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

¹⁴A katekile m'thu wule a simamisako ni txithavo; aniko awule a bangisako mbilu yakwe, a na gwitisa ku wa kubihani.

¹⁵Kufana ni ngonyamo yo bhonga-bhonga, ni ursu yo pfa nzala, ngu toneto a mahisako tona muonhi wule a khozisako sisiwana.

¹⁶Mthangeli wo pwata mapimo nene wa engetela kutsindaveta, kambe awule a vengako kutikulisa a na engetelwa masiku.

¹⁷Awu a ti rwekako mnandu ngu kudaya m'thu, a na ya gwitela nawo diphalani, kha nga ho a no muemisa.

¹⁸Awule a tsimbilako ditshurini a na hanyiswa, aniko awule wa tinzila to biha, a na kuluveta kuwa.

¹⁹Awule a dimako mafu akwe, a na khura ngu sakudya, kambe wule a londetelako ta walo, a na talelwa ngu wusiwana.

²⁰M'thu wo thembeka a na kateka ngutu, kambe wule a navelako kukuluveta e humelela, kha na mbi huluka kutsayiswa.

²¹Ku mahela txithavo m'thu ngu kuwona khohe, hi nga ta tinene, nguko ngu sakudya sa sidotho, m'thu a nga timetwa.

²²Awule a ku ni diso do biha, a tutumela tithomba, kambe kha ti zivi taku wusiwana wu nata kwakwe.

²³Awule a kawukako mmwani m'thu, ngu msana a na mana kudhundeka, kupinda wule wa lidimi lo tshambisela.

²⁴Awule a pako sa tate mwendo sa mame wakwe, se a txi khene: Hi nga ta walo, mngana wa wule a hasamulako.

²⁵Awule wo tolovela kutiguleta wa wusa mazunga, kambe awule a thembako ka MKOMA, eyo a na tsaka.

²⁶Awule a thembako ta mbilu yakwe apune, hi nga wa txilo, kambe wule a tsimbilako ngu kutxhariha, a na huluka.

²⁷Awule ahako txisiwana, kha na mbi kelelelwa, kambe wule a pfhumisako maso, a na va ni kuxaniseka ka hombe.

²⁸Mbimo yile va kubiha va gulekako, vathu vo sisala, aniko mbimo yile va lovako, vo lulama vo engetekelana.