Read chopi Mavingu 9 Bible Online

Mavingu 9 - chopi bible

Mavingu 9

¹Wutxhari se wu akile nyumba ya wona, se wu vatile mtxhanu wa tisika ni timbidi ta wona.

²Se wutxhari wu date sifuyo sa wona, wu patete vhinya ya wona, kambe wu lulamisete meza ya wona.

³Wutxhari wu ningile sileleto ka sithumi sa wona, se wu tsimbila wu ramba kukhukhela mimangoni ka didhoropa, wu txi kha wona:

⁴Awule i ku txiphukuphuku a na rendekele kheno. Ka vale vo kelelelwa ngu mapimo wu kha wona:

⁵Ngonani hi ta dya sakudya hotshethu, ni kusela vhinya yile ni nga yi lulamisela.

⁶Hi nga lekani vale vo mbi pfisisa, mi na hanya, kambe tsimbilani ngu nzila ya kupfisisa.

⁷Awule a kawukako mtseketseli, wa ti ndindela kuvengelwa; ni wule a solako muonhi wa amukela kusoleka kwakwe.

⁸U nga kawuke mtseketseli, kasi ku asi ku vengi; kawuka txhari, yi na kuranda.

⁹Ninga gondo ka txhari, kasi ku yi na txhariha ngutu; gondisa wo lulama, se ene a na kula mu ka mapimo.

¹⁰ Kuthava MKOMA ngu ona makhato a wutxhari, ni wuzivi wa Msawuleki ngu pfisisa.

¹¹Nguko masiku a kuhanya kwako ma engetelwa ngu ngani, ni malembe a kuhanya ma na engetelwa.

¹²Ngako u di txharihile, u na ti txharihela upune; se ngako u ti mtseketseli, ngawe wekha u no xaniseka.

¹³Wamsikati wa txiphukuphuku mbwa diguwa; njiphukuphuku, kha zivi txilo ni txa tximwetxo.

¹⁴A khalahatsha ha txikeni ka nyumba yakwe, mwendo ha txituluni, mimangoni ka didhoropa,

¹⁵kasi kudhana vale va pindako, va txi thwim ngu nzila yawe.

¹⁶Awule i ku txiphukuphuku a na rendekele kheno. Se ka vale vo pwata mapimo wu kha wona:

¹⁷Mati o piwa ma lombela, ni sakudya so dyelwa kusisalani sa maheka.

¹⁸Aniko kha va ti zivi taku kona hale vaho vofa, ni ti taku vale va nga rambwa va mndiloni ko tshima.