Read chopi Ndando ya Tindando 2 Bible Online

Ndando ya Tindando 2 - chopi bible

Ndando ya Tindando 2

¹Ani ni txiluva txa Saroni, dikhoñwa da mikovani.

²Mndoni wangu a fana ni dikhoñwa, a hagari ka mipa, a di hagari ka vanana vamahorana .

³Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

⁴A ni yisile[3] muhubheni ka m'buso wa hombe, m'jeke wakwe txitimwi kwangu, lirando.

⁵Ni busiseni ngu tximbwanda txa mauvha, mi ni tsanisa ngu mahapula, nguko na fa ngu lirando.

⁶Dianza dakwe da txibhabha di nave hahatshi ka msungo wangu, se dianza dakwe da txinene di na ni khutarele.

⁷Anu vanana vamahorana a Jerusalema, na mi xambanyela ngu timhoti ni timbavala ta txitinga, ti to mi nga wuseni lirando langu, kala kuza li ti lava.

⁸Adiya dipswi da txirandwa txangu; nditxele txata, txa kwelela txitimwi ka mimango, txa ndaka-ndaka txitimwi ka simangwana.

⁹Txirandwa txangu txi fanana ni txipene, mwendo mwanana wa mhoti; wonani, nditxele, txi emile msana ka diguma dathu, txa solelela ngu mu ka mafasitela, txa hi wona ngu mu ka tisimbi.

¹⁰Txirandwa txangu txi kha txona kwangu: Wuka, awe mndoni wangu, ngono, ngono nyakutshurawe wangu.

¹¹Nguko wona taku wuxika wu pindile: Nzuma yi txite, yi hangalakile.

¹²Siluva sa humelela ditikoni, mbimo ya kuembelela ya hoka, se dipswi da dituva da pfala ditikoni kwathu.

¹³Mkuwu wu velekile makuwu a wona, se mivhinya yile yi pfepfako, ya pfalisa kubhumula ka yona. Khukha u txi ema awe mndoni wangu, awe mburi yangu, se ngono.

¹⁴Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

¹⁵Ni ñoleleni va nyapwe, ni sinyampwana, si onhako mivhinya, nguko mivhinya yathu yi humile siluva.

¹⁶Txirandwa txangu njangu, nani ni wa txona; mtxhambi wakwe a wu dyisa hagari ka makhoñwa.

¹⁷An'ze kuza ditxa, ni mitsudi yi mwalala, txirandwa txangu wuya; u fana ni txipene mwendo mbavala txitimwi ka mmango wa Bheteri.