Read chopi Jeremiya 21 Bible Online

Jeremiya 21 - chopi bible

Jeremiya 21

¹Dipswi di di nga ta ka Jeremiya ngu ka MKOMA, mbimo yi mfumeli Zedhekiya a nga rumela Paxuri, mwana Malakiya, ni Zefaniya, mwana Maseya, mphaxeli, va txi ya kha vona:

²“Hi nga hi wotisela ka MKOMA, nguko Nebhukodhonosori, mfumeli wa Bhabhilona, wa hi xasela; mwendo MKOMA a na hi mahela sixamaliso sakwe, ti taku ene e khukha kwathu.”

³Sekoko Jeremiya a to va xamula, a txi khene: Mi na gela Zedhekiya mi txi khanu:

⁴“MKOMA, Txizimu txa ka Israyeli, a khene: Wonani, ni na tshumetela matxhari awa ma ku manzani kwanu, awa milwako ngu ona hahanze, mi txi wukela mfumeli wa Bhabhilona ni Makhaldheya, ava va nga mi randela, ni na ma sengeletela ka didhoropa diya.

⁵Ani nipune ni na lwa ni nanu ngu dianza di di guletilwe, ngu diwoko da mtamo, ni kuhenya, ni kuswireka, ni txiviti txa hombe.

⁶Ni na xasela vazumbi va didhoropa diya, vathu ni sihari, va na fa ngu mtungu wa hombe.

⁷Se msana keto, kuwomba MKOMA, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.

⁸U na va gela vathu vava, u txi khawe: MKOMA a khene: Wonani, na veka nzila ya wutomi ni nzila ya kufa, masoni kwanu.

⁹Awu a no sala ka didhoropa diya a na fa ngu ditxhari, ni nzala, ni mtungu; aniko awu a no huma hahanze, a txi ya ti ningela ka Makhaldheya, ava va nga mi randela, a na hanya; wutomi wakwe a na maha ngu kuhonyola nga o handa.

¹⁰Nguko ni wonelela didhoropa diya ngu wubihi, na i si nga ngu wunene, kuwomba MKOMA. Di na ningelwa didhoropa diya manzani ka mfumeli wa Bhabhilona, a na di hisa ngu mndilo.”

¹¹U na khawe ka mfumeli wa nyumba ya ka Judha: Pfanani mhaka ya MKOMA:

¹²Anu nyumba ya ka Dhavhidha, MKOMA a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

¹³Hi nga wona, ni ni txisolo ni nawe wo zumba mkovani, awe dirigwi da libalani, kuwomba MKOMA; ni ni mhaka ni nanu mi ku khanu: I mani a no relela e ta hi wukela kani? I mani a no wulela dizumboni kwathu kani?

¹⁴Ni na mi peka madingano ni muhando wa mithumo yanu, kuwomba MKOMA. Ni na dhivela mndilo txitingani kwanu, wu na danzela sotshe si si ku hahanze ka m'ti.