Read chopi Jeremiya 45 Bible Online

Jeremiya 45 - chopi bible

Jeremiya 45

¹ Dipswi di a nga womba Jeremiya mprofeti, ka Bharuke, mwana Neriya, a to bhala mapswi ale mu ka dibhuku, ma txi wombwa ngu Jeremiya, ka dilembe da wumune da kufuma ka Jehoyakimu, mwana Josiya, mfumeli wa ka Judha, a txi khene:

²MKOMA, Txizimu txa ka Israyeli, ngu mhaka yako, awe Bharuke, a khene:

³U ti khawe: Dikhombo dangu koko! Nguko MKOMA a ni engetete xomulo kupandisekani kwangu: Se ni karate ngu kudila, kha ni mani kuhumula.

⁴U na m'gela tiya: MKOMA a khene: Asi ani ni nga si aka na si khundumusa, asi ni nga phaya ni na si dula, ni na maha eto kotshe ha mafuni.

⁵U ti lavela wuhombe kani? U nga wu lave, nguko ni na tisa dikhombo ka yotshe nyama, kuwomba MKOMA; ni na ningela wutomi wako wu txi xakelwa, ka otshe makhalo u no ya ka ona.