Read chopi Ezekhiyele 15 Bible Online

Ezekhiyele 15 - chopi bible

Ezekhiyele 15

¹Se di tile kwangu dipswi da MKOMA, di txi ta kha dona:

²Awe mwanana wa m'thu, nji txani dipulango da m'vhinya kupinda da yimwani mindonga, aku didhavi da wona, di manekako hagari ka mindonga ya txitinga kani?

³Ina ku nga thaviswa ka wona dipulango do vata txiya txokari kan? Mwendo ku nga thaviswa phande yokari ngu ka m'vhinya, kasi kusanzeka kona mnaneko wokari kani?

⁴Wona taku wa rinzwa ha mndiloni, wu txi tshokoma; wa tshokomiswa ngu mndilo kala ha tshina ni tshokani, ni kotshe hagari ka kona; ina koko wu nga maha mthumo wokari kani?

⁵Se wu sa abaniselwa kha wu vhuni txilo, ngutu-ngutu wu txi txhomiswa ngu mndilo ngutu-ngutu wu txi hiswa, ku nga mahwa mthumo wokari ngu wona kani?

⁶Ngu kumaha keto MKOMA a khene: Kufana ni m'vhinya hagari ka mindonga ya txitinga, ni wu ningelako ka mndilo ti to wu txi tshokomiswa, ngu toneto ni na ningela vazumbi va Jerusalema.

⁷Se ni na va ronokela; vona va na huma ngu mndiloni, aniko mndilo wu na va tshokomisa; va na tiziva taku ani ngani MKOMA, aha ni no va ni di va ronokete.

⁸Se ni na maha ti to ditiko di txi xaselwa, ngu mhaka ya ku va nga ni eyisa ngutu, kuwomba MKOMA Txizimu.