Read chopi Ezekhiyele 2 Bible Online

Ezekhiyele 2 - chopi bible

Ezekhiyele 2

¹Se a to ni gela ku khene: Mwanana wa m'thu, khukha u txi ema, ni na womba-womba ni nawe.

²Sekoko Moya wu to wulela kwangu, mbimo yile a nga ti ti womba-womba ni nani, se ni to khukha ni ema, ni engisela ti a nga txi ni geletela.

³A txi khene kwangu: Mwanana wa m'thu, ani na kurumela ka vanana va ka Israyeli, ka matiko a vathu va txieyiso, vale va nga ni eyisa; vona ni vatate vawe va ni wukete, kala ka diya ditshiku.

⁴Se vanana mba tikhohe to thuvika, ni timbilu to banga; se ni kuruma ka vona, u na ya va gela ku khawe: MKOMA Txizimu a womba tiya.

⁵Aniko vona, mwendo va na tiengisa, mwendo kha va na mbi tiengisa (nguko mba nyumba yo kaneta), va na tiziva taku hagari kwawe, ku ti ti ni mprofeti wokari.

⁶Kambe awe mwanana wa m'thu, u nga va thave, hambi kuthava timhaka tawe; mwendo va ti maha sitxhotxhota ni mipa kwako, se awe u zumba ni tihume, u nga thave timhaka tawe, hambi kudhukiswa ngu tikhohe tawe, ngu ku i ku nyumba yo kaneta.

⁷Aniko awe u na va gela timhaka tangu, mwendo va na tiengisa, mwendo kha va na mbi tiengisa, ngu ku i ku vo kaneta.

⁸Kambe awe mwanana wa m'thu, engisa ti ni kugelako, u nga kanete, kufana ni nyumba yo kaneta; tula txisofu, u dya asi ni ku ningako.

⁹Sekoko ni to wona dianza di txi nawuluka dita kwangu, se ka dona ku ti ti ni dibhuku do petelwa.

¹⁰Se a to di tula masoni kwangu, dona di ti ti bhatwe mndani ni hahanze, kambe ka dona ku ti ti ni mibhalo ya sidilo, ni tihuwa ni makhombo.