Read chopi Matewu 1 Bible Online

Matewu 1 - chopi bible

Matewu 1

¹Dibhuku da liveleko la Jesu Kristu, Mwanana wa Dhavhidha, Mwanana wa Abrahamu.

²Abrahamu a to veleka Isaake, Isaake a to veleka Jakobe, Jakobe a to veleka Judha ni vananda vakwe,

³Judha ni Tamari va to veleka Farezi ni Zera, Farezi a to veleka Esroni, Esroni a to veleka Aramu,

⁴Aramu a to veleka Aminadhabhe, Aminadhabhe a to veleka Naasoni, Naasoni a to veleka Salmoni,

⁵Salmoni ni Rahabhi, va to veleka Bhowazi, Bhowazi ni Rute va to veleka Obhedhi, Obhedhi a to veleka Jese.

⁶Jese a to veleka mfumeli Dhavhidha, Dhavhidha ni msikati wa Uriya va to veleka Solomoni,

⁷Solomoni a to veleka Robhowamu, Robhowamu a to veleka Abhiya, Abhiya a to veleka Asa.

⁸Asa a to veleka Josafati, Josafati a to veleka Joramu, Joramu a to veleka Uziya,

⁹Uziya a to veleka Jothamu, Jothamu a to veleka Akazi, Akazi a to veleka Ezekhiya,

¹⁰Ezekhiya a to veleka Manasi, Manasi a to veleka Amoni, Amoni a to veleka Josiya,

¹¹Josiya a to veleka Jekoniya ni vananda vakwe, mbimo yi va ka Israyeli va nga payulwa ve yiswa Bhabhilona.

¹²Msana ka kupayulwa ve yiswa Bhabhilona, Jekoniya a to veleka Salatiyeli, Salatiyeli a to veleka Zorobhabheli,

¹³Zorobhabheli a to veleka Abhiyudhe, Abhiyudhe a to veleka Eliyakimu, Eliyakimu a to veleka Azori,

¹⁴Azori a to veleka Sadhoki, Sadhoki a to veleka Akimi, Akimi a to veleka Eliyudhe,

¹⁵Eliyudhe a to veleka Eleyazari, Eleyazari a to veleka Matani, Matani a to veleka Jakobe,

¹⁶Jakobe a to veleka Josefa, mwamna wa Mariya, awu a nga veleka Jesu, a dhanwako ku i Kristu.

¹⁷Ngu toneto, kukhukhela ka Abrahamu kala ka Dhavhidha, ndigumi da tiveleko ni mune. Se kukhukhela ka Dhavhidha kala ka mbimo ya kupayulwa ve yiswa Bhabhilona, ndigumi da tiveleko ni mune. Kukhukhela kupayulwani ka kuyiswa Bhabhilona kala ka Kristu, ndigumi da tiveleko ni mune.

¹⁸ Kuvelekwa ka Jesu Kristu ku mahisile tiya: Mariya, Mame wakwe, a manekile a di thembisilwe ngu Josefa; se va sinzi kutekana, a manekile a di ni txirumbu ngu mtamo wa Moya wo Sawuleka.

¹⁹Aniko Josefa, mwamna wakwe, ngako i nga ti m'thu wo lulama, asi ti lavi ku mu bhumisa phungo yo biha, a to alakanya ku mu leka, na ti si ziwi.

²⁰Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

²¹a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

²²Totshe tiya ti mahekile kasi kutatiseka atile Mkoma a nga womba ngu mprofeti, a txi khene:

²³“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

²⁴Mbimo yi Josefa a nga wuka ngu wukoheni a to maha nga ti Ngelozi ya Mkoma yi nga mu gelisa tona; a to teka msikati wakwe kasiku e zumba nayo.

²⁵ Kambe kha nga za e zivana nayo, kala mbimo yi ene a nga veleka mwanana, awu a nga m'raya ditina daku i Jesu.