Read chopi 1 Vakorinto 5 Bible Online

1 Vakorinto 5 - chopi bible

1 Vakorinto 5

¹Ha yi engisa yi txi xawutwa ngu votshe mhaka ya wugango hagari kwanu, wugango wa kuyila ngutu, ti to kha hi zivi ku nga wu engisa hagari ka vamatiko: Mmweyo wanu a hanyako ni msikati wa tate wakwe.

²Se anu mi ti kukumukisako kha ma lava kuambala tinguwo ta mkhwasi, kasiku mi txi thavisa m'thu wu a nga maha wubihi wo ngeto, kani?

³I di ani, hambiko ni ku kule ngu ka wutumbu, kambe ni kuho hafuhi ngu ka moya, ani se ni mu abanisile, kufana ni kungako ni diho konaho, eneyo a nga maha toneto.

⁴Ngu ditina da Mkoma wathu Jesu, na anu mi di tshanganile ni moya wangu, ngu mtamo wa Mkoma wathu Jesu,

⁵mamoyo a na ningelwe ka Sathani, ka lifo la mmidi, kasiku moya wakwe wu txi hanyiswa ka ditshiku da Mkoma.

⁶ Mi ti dhumisa na ti si laveki. Ina kha mi tizivi ti to mtshumbelo wa wudotho wa sikota kuvilisa wurathi wotshe kani?

⁷Ti basiseni ka mtshumbelo wa kale, kasiku mi maneka mi di wurathi wa wuphya, nguko kha mi nzi kutshumbelwa. Kristu, i ku Txinvutana txa Pasika yathu se a bhayilwe.

⁸ Ngu konaho, he maheni m'buso, i si nga ngu mtshumbelo wa kale, i si nga ngu mtshumbelo wa tshofu ni wa wubihi, aniko he dyeni Pasika ya mapawu o mbi na mtshumbelo, a wunene ni a ditshuri.

⁹Ni mi gete ngu dipapilo ti to mi nga pataneni ni vathu vo xanga.

¹⁰Ni ti si wombi vo xanga va mtalo, mwendo va likungo ni makhokhokho, mwendo vakhozeli va sivangwa; nguko idito, mi ndi na fanela kuhuma ditikoni muwa.

¹¹Ati ni nga mi bhalela, ni ti lava ku khani mi nga sengeleni ni wule a wombako ti to i mwananu, na kasi i m'gelezi, i mfeleli, i mkhozeli wa sa walo: Mruketeli, didevi, mwendo dikhokhokho. Avava, hambi kudya mi nga dyeni navo.

¹²Ina ti lumba ani kulamula ava va ku hahanze kani? Ina hi nga va m'tini ava anu mi va lamulako kani?

¹³Va hahanze, Txizimu ngu txona txi no va lamula. Thavisani m'bihi hagari kwanu.