Read chopi Joxuwa 12 Bible Online

Joxuwa 12 - chopi bible

Joxuwa 12

¹Avava ngu vona vafumeli va ditiko, avale va nga khoziswa ngu vanana va ka Israyeli, va txi va tekela matiko awe, mtxhatuko ka Jordhani, ngu diphambo da wutxani, kukhukhekla ka txinambwana txa Arnoni kala mmangoni ka Hermoni ni dotshe ditiko da Arabha kala wutxani,

²Seyoni mfumeli wa Vaamori, a nga ti akile Hesibhoni a ti ti fuma kukhukhela Aroweri hafuhi ka txinambwana txa Arnoni, kukhukhela hagari ka txinambwana ni kukhukhela ka hafu ya Gileyadhi, kala txinambzanani ka Jobhaki, i ku muhingano wa vanana va Amoni;

³ni kukhukhela libalani kala lineneni ka Kineroti wa wutxani, ni kala kuya hoka Lineneni ka Mnyu, ngu wutxani ngu didhawa da Bheti-Jerimoti, ni wulambwe ngu hahatshi ka mikova ya Pisiga.

⁴Va to teka ni ditiko da mfumeli wa Bhasani, mmweyo wa msalela, wa va ka Refayime, a nga ti akile Axitaroti ni Edreyi,

⁵a ti ti fuma mmangoni ka Hermoni ni Salika, ni dotshe da Bhasani, kala ka muhingano wa ditiko da Bhexure, ni da Mahakate, ni hafu ya Gileyadhi, kala ka mihingano ya Seyoni, mfumeli wa Hesibhoni.

⁶Mosi txithumi txa MKOMA, ni vanana va ka Israyeli, va to va khozisa; se, Mosi, txithumi txa MKOMA, a to teka ditiko da kona e di ningela ka va ka Rubheni, ni va ka Gadhi ni ka hafu ya nyumba ya ka Manasi, kasiku di txi maha ditiko dawe.

⁷Avava ngu vona vafumeli va ditiko, avale Joxuwa ni vanana va ka Israyeli, va nga va khozisa, akheya mtxhatuko ka Jordhani, ngu diphambo da mswa-ditambo, kukhukhela Bhahali-Gadhe, mkovani ka Libhanoni, kala mmangoni ka Halake, awu wu gulekako ngu didhawa da Seyiri; Joxuwa a to di teka a txi di ningela ka tihunzu ta vanana va ka Israyeli, di maha thomba yawe nga ti va nga abaneliswa tona;

⁸wukhalo wa mimangoni ni tibalani, ni tithembweni, ni mu ka mikova ya mati, ni txiwulani, ni wuphemba, hagari ka Vaheti, ni Vaamori, ni Vakanana, ni Vaferezi, ni Vahevhi, ni Vajebhuzi.

⁹Vafumeli va va nga xulwa ngu vava: Mfumeli wa Jeriko, mfumeli wa Ayi, a ku hafuhi ni Bheteli,

¹⁰mfumeli wa Jerusalema, mfumeli wa Hebroni,

¹¹mfumeli wa Jermuti, mfumeli wa Lakisi,

¹²mfumeli wa Egloni, mfumeli wa Gezeri,

¹³mfumeli wa Dhebhiri, mfumeli wa Gedheri,

¹⁴mfumeli wa Horma, mfumeli wa Aradhi,

¹⁵mfumeli wa Libhina, mfumeli wa Adhulamu,

¹⁶mfumeli wa Makedha, mfumeli wa Bheteli;

¹⁷mfumeli wa Tapuwa, mfumeli wa Heferi;

¹⁸mfumeli wa Afeki, mfumeli wa Saroni;

¹⁹mfumeli wa Madhoni, mfumeli wa Hazoni;

²⁰mfumeli wa Simeroni-Meroni, mfumeli wa Akisafe;

²¹mfumeli wa Tahanake, mfumeli wa Megidhu;

²²mfumeli wa Kedhesi, mfumeli wa Jekinohame wa Karmeli;

²³mfumeli wa Dhori mimangoni ka Dhori, mfumeli wa Goyimi wa Giligali;

²⁴ni mfumeli wa Tiriza, mtengo wawe mbwa magumi mararu ni mmweyo.