Read chopi Joxuwa 15 Bible Online

Joxuwa 15 - chopi bible

Joxuwa 15

¹Txyavelo txa lihunzu la vanana va ka Judha, madingano ni timwaya tawe, txi manekile txi txi hoka muhinganoni ka Edhomi, kukhukhela txiwulani ka Zimi, mmangoni ka diphambo da wulambwe.

²Muhingano wa kona wa wulambwe, wu khukhela magwito ka Linene la Mnyu, ngu didhawa ka yiphwa, ayi yi wonanako ni wulambwe,

³wu txi komba kuya wulambwe mmangoni ka Akrabhime, wu txi pinda ngu Zimi, wu txi ya wulambwe ka Kadhesi-Bharneya, wu txi pinda ngu Hebroni, wu txi ya ngu Adhari, wu txi tshumela wu txi ya Karika;

⁴ngu msana muhingano wu txi pinda ngu Azemoti, wu txi ya huma mlongani ka Egipta, wu txi ya gwitela linene. Ewo ngu wona muhingano wanu wa wulambwe.

⁵Muhingano wa wutxani ngu Linene la Mnyu, kala mabambe ka mnambo wa Jordhani; se muhingano wa wutxani, ka lidhavi la linene, wu na kukhukhela mabambe ka Jordhani.

⁶Se muhingano wuwa, wu kwela ngu Bheti-Hogla, wu pinda ngu wuphemba ka Bheti-Arabha wu txi kwela kala dirigwini ka Bhowani, mwana Rubheni.

⁷Muhingano wa pinda wu ya Dhebhiri, kukhukhela mkovani ka Akeri, wu txi ya wuphemba, wu txi komba kuya Giligali, ku ku masoni ka mnambo wa Adhomine, ku ku ngu wulambwe ka mlonga. Muhingano wuwa wu pinda, ngu ka mati a Ene-Semesi, wu txi gwitela Ene-Rogele.

⁸Kukhukhela koneyo wu txi ya mkovani ka Bheni-Hinome wu txi ta ngu wulambwe, ngu mthekani ka M'jebhusi, i ku Jerusalema; wu txi ya ngu txitimwi ka mmango, awule wu wonanako ni mkova wa Hinomi, ngu didhawa da mswa-ditambo, magwito ka libala la Rafayime, ngu didhawa da wuphemba.

⁹Kukhukhela txitimwi ka muhingano wu komba kuya mlongani ka mati a Neftowa, wu txi komba kuya madhoropani ka mmango wa Efroni, wu tshumela wu txi komba kuya Bhahala i ku Karime-Tiyarime.

¹⁰Kukhukhela Bhahala, muhingano wa tenderuka, ngu mswa-ditambo, wu txi komba kuya mmangoni ka Seyiri, na wu txi pinda ngu mthekani ka mmango wa Jeiyarime, wu txi komba kuya wuphemba i ku Kesaloni, wu txi relela ngu Bheti-Semesi, wu txi tshawunyeta Timina,

¹¹wu txi hoka mkovani ka Ekroni kuya wuphemba, ni kuya Sikeroni, wu txi pinda ngu mmangoni ka Bhahala, wu txi hoka Jabheheli, wu txi ya gwitela lineneni.

¹²Muhingano wa mswa-ditambo, ngu Linene la hombe. Ayiya ngu yona mihingano ya vanana va ka Judha, madingano ni timwaya tawe.

¹³Kalebhi, mwana Jefoni, a ningilwe txyavelo txakwe hagari ka vanana va ka Judha, nga ti MKOMA a nga leleta Joxuwa: A to ningwa didhoropa da Hebroni di dhanwako ku i Kiriyati-Arbha, Arbha i ditina da tate wa Anaki.

¹⁴Kalebhi a tutumisile kona didhoropanimo vanana vavararu va Anaki: Xexayi, Ahimani ni Talimayi, vanana va lihunzu la ka Enake.

¹⁵Koneyo a to khukha a txi yalwa ni vathu va Dhebhiri, didhoropa di, kale, di nga ti dhanwa ku i Kiriyati-Referi.

¹⁶Se Kalebhi a to khene: “Awule a no khozisa didhoropa da Kiriyati-Raferi e di teka, ni na mninga mwanana wangu Akisa, a txi maha msikati wakwe.”

¹⁷Sekoko Otoniyeli, mwana Kenazi, mwanawe Kalebhi, a to mteka, se Kalebhi a to mninga Akisa, mwanana wakwe, a txi va msikati wakwe.

¹⁸Mbimo yi Akisa a nga hoka hafuhi ka Otoniyeli, mwamna wakwe, mkatakwe a to mkujetela kukombela thembwe ka tate wakwe. Konako Akisa a to tshika ngu txitimwi ka mbongola, se Kalebhi a to mu wotisa a txi khene: “U lava txani kani?”

¹⁹Akisa a xamute a txi khene: “Ni kombela txyavelo. Ngako u nga ni ninga thembwe ya dhandani, ni ninge kambe sisima sa mati.” Se ene a to mninga kambe sisima sa txitimwi ni sisima sa mkovani.

²⁰Ayiya ngu yona thomba ya vanana va ka Judha, madingano ni timwaya tawe.

²¹Madhoropa awa ma ku ngu diphambo da wulambwe, magwito ka lihunzu la vanana va ka Judha, hafuhi ni m'hingano wa Edhomi, ngu awa: Kabhizeyeli, ni Edheri ni Jagura,

²²Kina, Dhimona ni Adhadha,

²³Kedhesi, ni Hazori ni Jitinani,

²⁴Nifa, Telema ni Bhaloti,

²⁵Hazori-Hadhata, Kariyoti-Hesroni i ku Hazori,

²⁶Anema, Xema ni Moladha,

²⁷Hazari-Gadha, Hexemoni ni Bheti-Peleti;

²⁸Hazari-Xuwali, Bharixebha ni Bhiziyotiya,

²⁹Bhahala, Jimu ni Ezema,

³⁰Elitoladhe, ni Kezili, ni Horima,

³¹Zikilage, Madimana ni Sanisana,

³²Lebhawoti, Silima, Ayina ni Rimoni: Ngu mtengo wa ona otshe magumi mambidi ni mtxhanu ni mune wa madhoropa, ni sidhoropana sa kona.

³³Madhoropa ale ma ku libalani ngu awa: Estawodhi, Zora, ni Azena,

³⁴Zanowa, Eline-Garime, Tapuwa ni Enani,

³⁵Jarimute, Adhulamu, Soko ni Azeki;

³⁶Xanayime, ni Adhitayime, ni Gedheri ni Gedherotayime: Digumi da madhoropa ni mune, ni sidhoropana sa kona.

³⁷Zenani, ni Hadhasa ni Magidhali-Gadhi,

³⁸Dhileyana, Misipa ni Jokiteli,

³⁹Lakisi, Bhozikali ni Egloni,

⁴⁰Kabhoni, Lamane ni Katlixe,

⁴¹Gedheroti, Bheti-Dhagoni, Namaha ni Makedha: Digumi da madhoropa ni mtxhanu ni dimwedo ni sidhoropana sa kona.

⁴²Libhina, Eteri ni Axane,

⁴³Zifta, Azina ni Nezibhe,

⁴⁴Keyila, Akizibhe ni Tarexa: Mtxhanu wa madhoropa ni mune ni sidhoropana sa kona.

⁴⁵Ekroni ni madhoropa a kona ni sidhoropana sa kona.

⁴⁶Kukhukhela Ekroni kala lineneni, otshe madhoropa ma manekako hafuhi ka Asidhodhe ni sidhoropana sa kona.

⁴⁷Asidhodhe ni madhoropa a kona ni sidhoropana sa kona; Gaza, madhoropa a kona ni sidhoropana sa kona, kala mlongani ka Egipta, ni Linene la Hombe la Medhiterani, i ku muhingano wa kona.

⁴⁸Ni mmangoni ku ti ni Xamira, Jatura ni Soko,

⁴⁹Dhana, Kiriyati-Sana, nyamsi i ku Dhebhiri,

⁵⁰Anabhi, Estemo ni Animu,

⁵¹Goxeni, Holomi ni Gilo: Digumi ni dimwedo wa madhoropa ni sidhoropana sa kona.

⁵²Arabhe, Dhuma ni Exana,

⁵³Jamime, Bheti-Tapuwa ni Afeki,

⁵⁴Hamata, Kariyati-Arbhe, nyamsi i ku Hebroni, ni Sahoni: Mtxhanu wa madhoropa ni mune ni sidhoropana sa kona.

⁵⁵Mahonani, Karmeli, Zifi ni Juta,

⁵⁶Jezraeli, Jokedhamu ni Zanowa,

⁵⁷Kayini, Gibheya ni Timna: I digumi da madhoropa ni sidhoropana sa kona,

⁵⁸Halule, Bheti-Sure ni Gedhora,

⁵⁹Maharati, Bheti-Anoti ni Eltekoni: I mtxhanu wa madhoropa di dimwedo ni sidhoropana sa kona.

⁶⁰Kariyati-Bhahali i ku Kariyati-Jarimu ni Rabha: Mambidi madhoropa ni sidhoropana sa kona.

⁶¹Txiwulani: Bheti-Arabha, Madhini ni Sekaka.

⁶²Nibsane, Iri-Hamelaki ni Eni-Gedhi: I mtxhanu wa madhoropa ni dimwedo ni sidhoropana sa kona.

⁶³ Vajebhusi va ngadi akile Jerusalema, vanana va ka Judha kha va sikota ku va tutumisa; ngu mhaka yeto Vajebhusi kala nyamsi va ngadi akile kona Jerusalema, kumweko ni vanana va ka Judha.