Read chopi 2 Vatesalonika 2 Bible Online

2 Vatesalonika 2 - chopi bible

2 Vatesalonika 2

¹ I di ta kuwuya ka Jesu Kristu, Mkoma wathu, ni ta kusengeletana kwathu nayo, vanathu,

²ha mi kombela, ti to mi si kuluveti mi txi dekadekiswa timbiluni kwanu, ti to mi si dhukiswi ngu dipswi da wuprofeti, hambi ngu mawombelo mamwani, mwendo dipswi di di ku ngadi ta ngu kwathu, asi si ndino mi ninga kukholwa ti to ditshiku da Mkoma di hokile.

³Mi nga thuke mi txi kanganyiswa ni ka kudhoto ngu m'thu, nguko ku sinzi kumaha eto, kuthanga ku na vaho kutshumelela msana, ni kuwoneka ka m'thu wa txionho, mwanana wa kulova,

⁴awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

⁵Kha mi alakanyi ti to ni txi mi gela mhaka yiya ni di ngadi ni nanu, kani?

⁶Nguko, ma txi ziva txi txi m'tsivelako kuta konkuwa, kasiku nyakubiha wuwa, e wonekiswa ngu mbimo yakwe ha kubasani.

⁷Nguko, mitamo ya wubihi ayi yi nga sisala, ya thuma ni konkuwa, aniko yi thuma dwe kala e thaviswa awule a yi tsivelako.

⁸Se konako, a na wonekiswa ha kubasani m'bihi; se Mkoma Jesu a na mfuvisa ngu ku mfuteta ngu txisofu txakwe e m'lovisa ngu kuphatima ka kuta kwakwe.

⁹ Kuta ka m'bihi ku na kombiswa ngu mithumo ya Sathani, a na va ni mitamo yotshe, ni sikombiso, ni sidiwukiso sa makuhu.

¹⁰A na thumisa totshe tinzila to biha, ti ti xengako ava va yako kulovani, nguko kha va amukela ni kuranda ditshuri, kasiku ve huluswa.

¹¹Ngu koneho Txizimu txi va lekile ve fumwa ngu mtamo wo xengetela ti to ve tumela ta makuhu;

¹²kasiku, ve abaniswa votshe va va nga mbi tumela ditshuri, ve tsakela tinzila to biha.

¹³Kasi i di athu, hi fanete kubonga Txizimu yotshe mbimo ngu kota yanu, vanathu, mi randwako ngu Mkoma, nguko Txizimu txi mi sawute kukhukhela makhatoni, kasiku mi txi huluswa ngu Moya wu wu basisako, ni kukholwa ka ditshuri.

¹⁴Ngu konaho Txizimu txi nga mi dhana ngu Evhangeli yi hi nga mi txhumayela, kasiku mi txi ta phakelwa kupfaliswa ka Mkoma wathu Jesu Kristu.

¹⁵Ngu konaho, vanathu, zumbani mi di tsani, veketani siheno si hi mi gondisako ngu sisofu mwendo ngu mapapilo athu.

¹⁶Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

¹⁷vona va na mi tsakise timbilu tanu, ni ku mi tsanisa ka totshe ta tinene ti mi ti mahako, ni ka totshe ta tinene ti mi ti wombako.