Read chopi 3 Johani 1 Bible Online

3 Johani 1 - chopi bible

3 Johani 1

¹ Ani Didhota ni bhalela Gayo wo randeka ngutu, awu ni mrandako ngu ditshuri.

²Wo randeka, ni navela ti to u txi hanya kwati, ni ti to wutomi wako wa mmidi wu txi xayiseka kufana ni ti wu xayisekisako tona wutomi wako wa moya.

³Ni tsakile ngutu ngu kubwaka ka vanathu, va txi fakaza ditshuri di u di simamelako, ti to u hanya mu ka ditshuri.

⁴Ku walo ti ti ni tsakisako ngutu kupinda kuziva ti to vanana vangu va hanya mu ka ditshuri.

⁵Wo randeka, u hanya wutomi wo thembeka ka totshe ti u ti mahako ka vanathu, ngutu-ngutu ka vale i ku vapfhumba.

⁶Vona va fakazile lirando lako masoni ka dibanza. U na va u txi maha ta tinene, ngako u txi va longela sa nzila ngu tifanelo ti ti tsakisako Txizimu,

⁷nguko vona va tekile dipfhumba diya ngu ditina da Txizimu, va si tumeli kuamukela txilo ka vamatiko.

⁸Ngu konaho, hi fanete ku va amukela vathuvo, kasi ku hi thumisana navo amu ka ditshuri.

⁹Ni bhalete dibanza mamwani mapswi, aniko Dhiyotrefo, a randako ku ti maha mthangeli hagari kwawe, kha hi amukeli.

¹⁰Ngu konaho, ngako ni txi ta kheyo, ni nata landula mahanyelo akwe, ni mapswi akwe o biha, a hi poyilelako ngu ona. Hahanze keto, a lamba ni kuamukela vanathu. Se avale va ti lavako ku va amukela, wa va tsimbisa, a txi va humisa dibanzani.

¹¹Wo randeka, u nga etsetele wubihi, aniko etsetela wunene. Awu a mahako wunene, a lumba Txizimu; awu a mahako wubihi, kha txi wona Txizimu.

¹²Dhemetriyo va msuma wunene votshe vathu; ditshuri ni dona da mfakazela, nanathu ha mfakazela, se nanu ma tiziva ti to wufakazi wathu mbwa ditshuri.

¹³Ni ti ni ta tingi ni nga ti fanete ku kubhalela, aniko kha ni lavi ku kurumela tona, ngu kuthumisa dipapilo ni tinta.

¹⁴Na themba ti to hi na wonana kunukunuku, se hi nata womba-womba, hi txi wonana khohe ni khohe.

¹⁵Kudikha ku nave ni nawe! Va kudingula vangana vako. Dingula nawe mmweyo ni mmweyo ka vangana vathu.