Read cisena Hebhereu 5 Bible Online

Hebhereu 5 - cisena bible

Hebhereu 5

¹Thangwi nkulu onsene wa anyantsembe, asasankhulwa pakati pa anthu, mbathonyiwa kuti akhale muonereri wa anthu pa pinthu pya Mulungu, toera apereke miyoni na ntsembe pa thangwi ya madawi.

²Iye asakwanisa kubvera ntsisi kuna ale anakhonda kudziwa mbataika, thangwi iye ene anakombo kupolola.

³Na thangwi eneyo, iye asafunika aikhe ntsembe ya madawi, a mbumba na ace ene.

⁴Nkhabe munthu anaikhika ekha ene kuti akhale nkulu wa anyantsembe. Mbwenye asatongwa acemerwe na Mulungu, ninga pidacitikambo kuna Arau.

⁵Sawa-sawa na Kirixtu, hadapasika mbiri ekha ene kuti akhale nkulu wa anyantsembe tayu, mbwenye apaswa na Mulungu adampanga kuti: “Iwe ndiwe Mwana wanga, lero, ine ndakubala.”

⁶Ninga pidalembwambo m'Bukhu ya Mulungu kuti: “Iwe ndiwe nyantsembe wa kwenda na kwenda ninga unyantsembe wa Melikizedheki.”

⁷Yezu pikhakhala Iye pano pa dziko, aphembera mbadembetera, misozi mbibuluka, mbakhuwa pikulu kuna ule akhafuna kukwanisa kumpulumusa pa kufa, mbatawirwa na thangwi ya kubvera kwace.

⁸Iye mbali Mwana wa Mulungu, apfundza kubvera pa pinthu pidaonera Iye nyatwa.

⁹Onsene adam'bvera atambira upulumuki wakukhonda kumala bulukira muna Iye,

¹⁰mbasankhulwa na Mulungu kuti akhale nkulu wa anyantsembe, ninga unyantsembe wa Melikizedheki.

¹¹Pa thangwi eneyo, tina pinthu pizinji pya kufuna kulonga, pinthu pyakunentsa na kuchulula, thangwi imwe mwakhala anthu akudembuka na kubvesesa.

¹²Thangwi pa midzidzi yonsene idamala imwe, imwe mukhakwanira kukhala apfundzisi, mbwenye asafunika munthu akupfundziseni pontho cipfundzo cakutoma ca fala ya Mulungu. Imwe musafunika basi mupaswe nkaka, nkhabe kwanisa kudya pinthu pyakuuma.

¹³Anamwa nkaka aciri mwana basi, thangwi nkhabe cinadziwa iye pa cipfundzo cakulungama.

¹⁴Mbwenye anadya cakuuma ndi akulu. Iwo, na kudzowerera kucita basa, asakhala anthu a kudziwa na akuweza pinthu pyadidi na pyakuipa.