Read cisena 2 Pedhru 1 Bible Online

2 Pedhru 1 - cisena bible

2 Pedhru 1

¹Ine Simau Pedhru, bichu pontho mpoxtolo wa Yezu Kirixtu.[1] Ndisalemba tsamba iyi kuli ale adatambira sawa-sawa pabodzi na ife cikhulupiro cikulu, na thangwi ya ulungami wa Mulungu wathu pontho Mpulumusi wathu Yezu Kirixtu,

²Kukoma ntima na ntendere mbapinjipe kuna imwe, pa thangwi ya kun'dziwa kwathu Mulungu na Yezu Mbuya wathu mwakukwana.

³Na mphambvu za umulungu wace, atipasa pyonsene pinafunika pa upulumuki wathu na pakuphembera, na thangwi ya kun'dziwa kwathu mwakukwana Ule adaticemera ku mbiri yace ene pontho na ku udidi wace.

⁴Tenepa, Iye atipasa pipikiriro pyace pikulu pontho pyadidi, toera na penepi imwe mudze kakhala nanthu pa makhaliro a ciumulungu, pontho muthawe kuipa kuli pa dziko, kunasoswa na kusirira.

⁵Na thangwi eneyo, citani mphambvu zonsene toera muthimizire udidi pa cikhulupiro canu, pa udidi muthimizire kudziwa.

⁶Pa kudziwa muthimizire kuphata ntima, pa kuphata ntima, muthimizire kupirira, pa kupirira, muthimizire kuphembera.

⁷Pa kuphembera, muthimizire kubverana muubale, pa kubverana muubale, muthimizire kufunana.

⁸Thangwi pingaoneka pinthu penepi pakati panu mbipikula muna imwe, ipyo pinakucitani kuti muphate basa pontho mwende kutsogolo, na kudziwa kwanu mwakukwana Mbuya wathu Yezu Kirixtu.

⁹Mbwenye ule anasowa pinthu penepi ndi boli-boli, asaona pire basi piri dhuzi na iye, mbaduwala pyakuceneswa kwa madawi ace akale.

¹⁰Na thangwi eneyo, abale anga, wangisani pikulu kakamwe toera kusimbisa kucemerwa kwanu na kusankhulwa kwanu. Thangwi mungacita penepi, nkhabebve kudza kagwegweduka.

¹¹Thangwi tenepa, imwe munafungulirwa mwadidi, toera kupita mu Umambo wa kwenda na kwenda, wa Mbuya wathu na Mpulumusi wathu Yezu Kirixtu.

¹²Na thangwi eneyo, ndinakhala mbindikukumbusani kazinji kene pinthu penepi. Mbwenye imwe musapidziwa kale, pontho mwakhazikika pa pya ndimo mwene pidatambira imwe.

¹³Ndisanyerezera kuti mphyadidi kukukumbusani mbindiri m'maso,

¹⁴thangwi ndisadziwa kuti cincino pano ndinaasiya manungo awa, ninga mudapangizwa ine kale na Mbuya wathu Yezu Kirixtu.

¹⁵Mbwenye ine ndinacita mphambvu zonsene, kuti ndingaenda, midzidzi yonsene imwe mukwanise kupikumbukira pinthu penepi.

¹⁶Ndimo mwene, pinakupangani ife na thangwi ya mphambvu na ya kubwera kwa Mbuya wathu Yezu Kirixtu, sikutowerera pithankano pya ucenjeri wa anthu tayu, mbwenye ife ene ndife amboni adaona na maso mphambvu zace za mbiri.

¹⁷Iye asimbwa pontho apaswa mbiri idabuluka kuna Mulungu Baba, pakupangwa kwace na fala ya Mbiri Ikulu mbilonga kuti: “Uyu ndi Mwana wanga wakufunika, ananditsandzaisa.”

¹⁸Ife ene, taibva fala eneyi idabuluka kudzulu, pikhali ife na iye pabodzi pa phiri ya Mulungu.

¹⁹Tenepa, tisanyindira kakamwe fala ya maporofeta, pontho imwe munacita pyadidi mungaibvesera, thangwi ndi ninga nyale inagaka pa mbuto ya cidima mpaka kunja kuca, pontho mpaka nthondowa ya macibese ingabalwa muntima mwanu.

²⁰Cakutoma dziwani kuti nkhabe ciporofeta cibodzi cidalembwa m'Bukhu ya Mulungu, cidabulukira pa udziwisi wa munthu,[2]

²¹thangwi nkhabe ciporofeta cibodzi cidadza na kufuna kwa munthu, mbwenye anthu [3] akhaphatwa na Nzimu Wakucena, mbakhalonga pya Mulungu.