Read cisena Cidziwiso 2 Bible Online

Cidziwiso 2 - cisena bible

Cidziwiso 2

¹Lemba kuli anju wa abale a gereja ya ku Efesu kuti: “Mafala awa mba ule adaphata nyenyezi zinomwe m'manja mwace a nkono wa madyo, mbakhafamba pakati pa nyale zinomwe za oro.

²Ine ndisadziwa pinacita iwe, ndisadziwa basa yako yakuwanga pontho na kuwangisira kwako. Ndisadziwa kuti iwe nkhabe siya kuti anthu acite kuipa. Ndisadziwa kuti waalesera ale analonga kuti ndife apoxtolo, mbakhonda kukhala apoxtolo, pontho mbuadzindikira kuti iwo ndi anyauthambi.

³Iwe wawangisira mbupirira pa nyatwa na thangwi ya dzina yanga, mbukhonda kumala mphambvu.

⁴“Mbwenye cidakhonda kukomerwa na ine kwa iwe, ndi ici: Iwe wasiya mafuniro ako akutoma.

⁵Kumbuka ndi papi padagwa iwe! Chunyuka ucite mabasa akhacita iwe pakutoma. Ungakhonda kuchunyuka, ndinakudzera mbandibulusa nyale yako pale pakhakhala iyo.

⁶Mbwenye ciripo cinthu cibodzi cidakomerwa na ine kwa iwe, ndi ici: Iwe usazonda pinacita nsoka wa Nikolau, ninga ine ndisapizondambo.

⁷“Ule ana makutu akubva, mbabve pinalonga Nzimu Wakucena kuna abale a magereja. Anakunda, ndinampasa kuti adye muti wa upulumuki uli m'paraizu ya Mulungu.

⁸“Lemba kuli anju wa abale a Gereja ya ku Ejimirina kuti: “Awa ndiwo mafala a ule Wakutoma na Wakumalisa, akhadafa pontho mbadza kakhala m'maso.

⁹Ndisadziwa nyatwa zako na kucherenga kwako. Mbwenye iwe ndiwe m'pfumi! Ndisadziwa kuxola kunacita ale analonga kuti ndi madjuda iwo mbakhonda kukhala madjuda, mbwenye ndi nyumba za kuphemberera za Sathani.

¹⁰Leka kugopa nyatwa zinafuna kudza kaona iwe. Lang'anani, Dyabu anati akwate andzanu anango mbaaikha n'kaidi toera kualesera. Imwe munati muone nyatwa pa ntsiku khumi. Khala wakunyindirika mpaka kufa, ine ndinakupasa nthimba ya upulumuki.

¹¹“Ule ana makutu akubva, mbabve pinalonga Nzimu Wakucena kuna magereja. Anakunda, cipo anadza kaona pontho kufa kwaciwiri.

¹²“Lemba kuli anju wa abale a Gereja ya ku Perigamu kuti: “Awa ndi mafala a ule ana tarasada yakunozwa khundu na khundu.

¹³Ndisadziwa panakhala iwe, kule kunakhala mpando wa umambo wa Sathani. Mbwenye iwe usakhala mbunyindira dzina yanga, mbukhonda kusiya kundikhulupira mpaka kufikira kuphiwa kwa Antipa, mboni wanga wakunyindirika, ku nzinda unowu unakhala Sathani.

¹⁴“Mbwenye pyakuipa ping'ono pidaona ine kuna iwe ndi ipi: Iwe uli na iwo mwenemu anthu anatowerera mapfundzisiro a Bhalamu, ule adapfundzisa Bhalaki kunyengerera ana a Izarayeli kuti adye pyakudya pya kuikhirwa ntsembe madzimunthu, pontho na kuapfundzisa kucita pyalukwali.

¹⁵Tenepa, unaombo pakati pako ale anatowera mapfundzisiro a nsoka wa Nikolau.

¹⁶Na tenepo, chunyuka! Ungakhonda kuchunyuka, ine ndinabwera na mwansanga mpaka kuna iwe, pontho ndinagwa na iwo nkhondo na tarasada inabuluka pa mulomo panga.

¹⁷“Ule ana makutu akubva, mbabve pinalonga Nzimu Wakucena kuna magereja. Anakunda, ndinampasa manaa adabisiwa. Pontho ndinati ndimpase mwala ubodzi wakucena wakulembwa dzina ipsa, inadziwika basi na ale anaitambira.

¹⁸“Lemba kuli anju wa abale a Gereja ya ku nzinda wa Tiyatira kuti: “Awa ndi mafala a Mwana wa Mulungu, ana maso ninga malirimi a moto, pontho ana myendo ninga nkuwa wa kuyetimira.

¹⁹Ine ndisadziwa pinacita iwe, na mafuniro ako, na kukhulupira kwako, na mabasa ako, na kuwangisira kwako, pontho ndisadziwa kuti cincino, iwe usacita pikulu kakamwe kupiringana pakutoma.

²⁰“Na tenepo, cakuipa cidaona ine kwa iwe ndi ici: Usasiya Jezebheli, nkazi analonga kuti ndi mporofeta, mbacita kufuna kwace. Na pipfundzo pyace, iye asanyengerera adzakazi anga kuti acite pyalukwali, na kudya pinthu pidaikhirwa ntsembe madzimunthu.

²¹Ine ndampasa n'dzidzi toera achunyuke ulukwali unacita iye, mbwenye iye nkhabe funa kuchunyuka.

²²Na thangwi eneyi, ndinati ndimpase utenda pontho mbandidzesa nyatwa zikulu kuna ale anacita na iye upombo, male angakhonda kuchunyuka mabasa anacita iye.

²³Ndinati ndiaphe ana[3] a nkazi unowu. Na tenepo, abale a magereja onsene anati adziwe kuti ine ndine ule anadziwa manyerezero a anthu, na mitima yawo, pontho m'bodzi na m'bodzi ndinam'bwezera ninga mudacita iye.

²⁴Na imwe anango ali ku Tiyatira, imwe munakhonda kutowerera mapfundzisiro ace, pontho mbamukhonda kupipfundza pinthu pyakubisala kakamwe pya Sathani, ninga munapilongera iwo, ndisakupangani kuti: Imwe nkhabe kukupasani ntolo unango.

²⁵Mbwenye phatisisani mbumuwangisira na pire basi pina imwe, mpaka kubwera kwanga.

²⁶“Ule anakunda mbacita kufuna kwanga mpaka pakumalisa, ndinampasa mphambvu za kutonga madziko.

²⁷“ ‘Iye anaatonga na mpsimbo ya utale mbaanyedza ninga asanyedza combo ca dongo.’

²⁸“Ine ndinampasa utongi ubodzi-bodzi udapaswa ine na Baba wanga. Pontho ndinampasa nyenyezi ya macibese.

²⁹Ule ana makutu akubva, mbabve pinalonga Nzimu Wakucena kuna magereja.”