Read Мукъаддес Китап къырымтатар тилинде, Икметли сёзлер 13 Bible Online

Икметли сёзлер 13 - Мукъаддес Китап къырымтатар тилинде, bible

Икметли сёзлер 13

¹Икметли огълан бабасынынъ огютини динълей, мыскъылджы исе опькеге къулакъ асмай.

²Айткъан лафына коре адам яхшылыкъ тапа, къара юрекли олгъанлар исе яманлыкъ этип яшай.

³Тилини туткъан джаныны сакълай, озь агъзыны кениш ачкъан исе гъайып олур.

⁴Тенбельнинъ джаны мурадына етмез, ишкирнинъ джаны исе ач къалмаз.

⁵Инсафлы адам ялан лафтан нефрет эте, яман адам исе озюни ашалап масхара эте.

⁶Къусурсыз адамны ёлунда инсафлыкъ къорчалай, гунахкярны исе яманлыкъ ёкъ эте.

⁷Бири, онынъ ич бир шейи олмагъанда, озюни бай деп тута, башкъасы, байлыгъы буюк олгъанда, озюни фукъаре деп тута.

⁸Адамнынъ омрюни байлыкъ къорчалар, фукъаре исе ич бир телюкели сёз эшитмез.

⁹Инсафлы адамларнынъ чырагъы парлакъ яна, яман адамларнынъ чырагъы исе сёне.

¹⁰Къопайлыкътан тек къавгъа чыкъа, акъыл танышмакътан исе — икмет.

¹¹Авадан кельген байлыкъ тез азлаша, тер тёкюлип джыйылгъан мульк исе чокълаша.

¹²Бошуна чыкъкъан умют — юрек азабы, ерине кельген истек — омюр тереги.

¹³Айтылгъан сёзге къулакъ асмагъан адам озюне зарар кетире, эмирлерден къоркъкъан исе бол къысмет алыр.

¹⁴Икметли адамнынъ огреткени — омюр чокърагъыдыр, о, адамны олюм къапкъанындан узакълаштыра.

¹⁵Акъыл-ферасет мерамет къазана, хиянетлик ёлу исе эляккъа алып кете.

¹⁶Эр бир зекялы адам бильгинен арекет эте, акъылсыз адам исе ахмакълыгъыны косьтере.

¹⁷Яман хаберджи белягъа огърай, ишанчлы эльчининъ элинде исе шифа.

¹⁸Огютни терк эткен адамны ёкъсуллыкъ ве утанч беклей, тербиени алгъан адамгъа исе шан-шурет.

¹⁹Ерине кетирильген истек джан ичюн шербет, акъылсыз адам ичюн исе яманлыкътан айырылмагъа — бир пис шей.

²⁰Икметли адамларнен акъыл танышкъан адам икметли олур, акъылсызларнен иш туткъан адам исе белягъа огърар.

²¹Яманлыкъ гунахкярнынъ пешинден кетеята, инсафлы адамны исе яхшылыкъ къалдырмаз.

²²Яхшы адам торунларына къадар мирас къалдыра, гунахкярнынъ байлыгъы исе инсафлы адамлар ичюн сакъланып тутула.

²³Фукъаренинъ тарласы бол-берекетли олса да, адалетсизлик оны алып кетер.

²⁴Таякъны аджыгъан адам огълундан нефрет эте, огълуны севген исе оны гъайретнен тербиелей.

²⁵Инсафлы адам тойып ашай, яман адамнынъ къурсагъы исе ач къала.