Read daasanach Matááyo 1 Bible Online

Matááyo 1 - daasanach bible

Matááyo 1

¹ˈBíl íl Yiesu Kirísto ˈdalloká hátlé hol ka hoycheká hééllá: Yiesu Kirísto ˈbíl íl ˈDawuˈd giri Abirááyam yé gáá ˈdiiyyeká he yé gáá ˈdie.

²Abirááyam Yísak ˈdale, Yísak Yákob ˈdale, Yákob Yúúˈda ubaa nyaaramle ˈdale.

³Yúúˈda Béres ubaa Dhéra Támar gáá ˈdale. Béres Héseron ˈdale, Héseron Áram ˈdale,

⁴Áram Amínaˈdab ˈdale, Amínaˈdab Nááshon ˈdale, Nááshon Sálmon ˈdale,

⁵Sálmon Bówas Ráab gáá ˈdale, Bówas Óbed Rúudh gáá ˈdale, Óbed Yéshay ˈdale,

⁶Yéshay ˈDáwuˈd giri kansichká ˈdale. Aaléka, ˈDáwuˈd inylé Sólomon min Uriaká gáá ˈdale.

⁷Sólomon Reúbuam ˈdale, Reúbuam Abíya ˈdale, Abíya Ássaf ˈdale.

⁸Ássaf Yóshafat ˈdale, Yóshafat Yóram ˈdale, Yóram Ussía ˈdale,

⁹Ussía Yódham ˈdale, Yódham Áas ˈdale, Áas Hesekía ˈdale,

¹⁰Hesekía Manásse ˈdale, Manásse Ámon ˈdale, Ámon Yosía ˈdale,

¹¹Yosía Yekonía ubaa nyaaramle ˈdale. Hé kinaallá bár giri gál Yuuˈdi gál Babilon hí uuneká.

¹²Aalé gál Yuuˈdi gúch gál Babilon hí uune-, hí lésle mé ki nieká, Yekonía Saláátiel ˈdale, Saláátiel Sorúbabel ˈdale.

¹³Sorúbabel Abiyúˈd ˈdale, Abiyúˈd Eliakím ˈdale, Eliakím Ássor ˈdale,

¹⁴Ássor Sáˈdog ˈdale, Sáˈdog Akím ˈdale, Akím Eliyúˈd ˈdale,

¹⁵Eliyúˈd Eliásar ˈdale, Eliásar Matán ˈdale, Matán Yákob ˈdale.

¹⁶Yákob Yúósef giri María bélléká ˈdale. María Yíésu gaalí Kirísto yegetallá ˈdalle.[1]

¹⁷Ameeny Abirááyam tá ˈjíig ˈDáwuˈd đigallá, ˈdáltollé hol ka hoycheká lúl tomon tikiˈde a afur. Ameeny ˈDáwuˈd tá ˈjíig gál Yuuˈdi gál Babilon hí uune-, hí lésle mé ki nieká, ˈdáltollé hol ka hoycheká úba tomon tikiˈde a afur. Ameeny gál Yuuˈdi gál Babilon hí uuneká tá ˈjíig Kirísto đigallá, ˈdáltollé hol ka hoycheká úba tomon tikiˈde a afur.

¹⁸Yiesu Kirísto ˈdalmaatle hatallá: Mú ˈjiellé María Yúósef hí đarm sidhe. Gaal hátle hol má shuunan, María ˈdaa fargogint Hím Naasan Waaˈgiet geer hí ki hile.

¹⁹Yúósef giri mú đarm sidheká ˈdaa giri he máá ˈdúwaká onnoyká hé mú kern ˈgiˈgidhieká ma fédiny. Mu har úba María hany ˈgieka, hé mú gálaat ma maalsîny.

²⁰Mu hátle tawuny kinaal ˈgaa, máá ˈgasso-, urru-, Waaˈgietká mú hát amadhyoká ˈdu gáá yimie, mú geey, kieye, Yúósef, iny ˈbíl íl ˈDawuˈd! María egeet-, minkú hođisatká ha kían. María Hím Naasan Waaˈgiet ˈdaallé geer hí ki hile.

²¹María eiyyo hol nanniyya, veel yab hai ˈdaalla. Véel meenylé shigichoká Yíésu.[2] Hééllá ˈdaa giri veel gálaat ađaabano gaa egew-, gálaat ririanká, muí mú yie.

²²Hééllá lulle hatallá ˈdíéllá he giri Máá Guđo Waag máállé ˈdeem ka shigieká ˈdeenylé ˈdiiyimeká ˈduuwawká,

²³ˈdeeny giri kieye, Bá dháash! Ini harteká geer haí higila, ini veel yab hai ˈdaalla, véel meeny gaalí shiguoká Emánuel,[3] yieká. (Emánuel hélle kieye, Waag hé ke hol af ijo.)

²⁴Yúósef ram gaa kieká, hát giri máá ˈgasso-, urru-, Waaˈgietká hí geeyká el gaa veere, ini eedhdhe, ini hí minle chie.

²⁵Tá gaal hé hol af ma ráfiny, ˈjíig ini veel yab ˈdalle. Véel meenylé muí shieká Yíésu.