Read daasanach Matááyo 3 Bible Online

Matááyo 3 - daasanach bible

Matááyo 3

¹Bár kinaallá Yuána gálaat bie gim nannuoká yé ká ˈdie. Mu gálaat ˈbakat Yuuˈdia álle ˈdeeny Waaˈgiet ki ˈdiiyime.

²Mu gálaat geey, kieye, ˈDaa giri Guch Uratiká[9] ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

³Yuánáállá he máá Waag máállé ˈdeem ka shigiche-, Yisááya léká hí ˈdeenyle hodhe-, mu kieye, Kóˈd máádhat ˈbakat hai gáá ˈgiˈgita, kóˈd kieye, Máá Guđoká les met ˈdiidháa, mú ˈgierimle lođuđaat kóo, yegetká,[10] yieká.

⁴Yuána íín giellé he kaadhdheká dhúr galte gaalí tág gaa nie. Mu sáb rokoˈdeká he seet hite. Mú ˈguomle he ˈgamutaach ubaa dhaanite.

⁵Aalé gál Yerusalem ubaa gál lés Yuuˈdia ˈdinnam lulle gáá yimieká, tá gál wár Yorˈdan ˈdinnam lulle gáá yimieká lulle mú ˈdú seeseme.

⁶Gaal héllé ˈdeđew-, eekemeyká huogodhe, Waag makan fame, Yuána đo gáál wár Yorˈdan bíélle gim nie.

⁷Aalé mu gál Farisaay[11] ubaa gál Saˈdukaay[12] ilishká ˈdaa bie gim niinykáka hí ˈdu gáá yiimie-, argeká, mu gáál geey, kieye, It ˈdálto chaaráal! Mááya hí fuute, hí idho Waaˈgiet ka chiimetoká met kar gaa ˈdonyle geey?

⁸Saano húgúmle midhab-, gálle Waag makan fameká ˈgáa.

⁹Tá haí taawûny, hí hol geđîny, hí kieye, ˈJaakúnno he Abirááyam, hí chégen. Yú hí geeye, Waag hé fargogint waarééllá um Abiraayam ki hođichoká ˈgayyo.

¹⁰Aaléka, Waag hé yerellé alléká tág ká chirate, ˈguor đuur ˈdú koyye. Ameeny ˈgór saano midhabká hí ma gáá higisinyká lulle ali ha muí gaa muura, ˈjiet ha muí gaa verene.

¹¹Yú it giri hí hé ˈdeđewká hayche-, hí Waag makan faannééllá, in hí bie gim nannaa. Tá Máá ye biiy el gáá ˈjeenká hé ye far ˈdú gogo. Yáá ˈduuw ˈguo-, mú koiy ˈgas gaa furoká mán. Mu íín Hím Naasan Waaˈgiet ubaa ˈjiete hí gim nannaa.

¹²Aaléka mu hé múchlé sííndí ki tutunoká gíl ká ˈguo. Mu sííndí tuneka, ál sííndí ki tune kinaal hai gaa hegedhe, sííndí buit hai faadhdha, tá sííndí metle íín ˈjiet ma kufuminyká hai gaa verene, Yuána hí gáál yie.

¹³Aalé Yíésu Galilááya gaa kie, wár Yorˈdan álle ki ˈjie, Yuána ˈdú sedhe, giri muí bie gim nannuoká.

¹⁴Tá Yuána Yíésu moy, kieye, Kúún yaa ye ˈdu gáá chimíe? Yaa onnônyka, kuun ye bie gim nanniyyááte! yie.

¹⁵Yíésu Yuána ˈdéé hol ˈdú nie, kieye, Ye hash, he hí káána hatallá yeet. Hatallá ke ekeyka, in hé ˈduwanti-, Waag hí feˈdoká ke đusie, Yíésu hí Yuána yie. Aalé Yuána đo iiy yie.

¹⁶Yíésu Yuána hí bie gim nieká, đo bie yé gáá ˈdie. Ál tikiˈde kinaallá úr đo af hí furme, Yuána Hím Naasan Waaˈgiet hát hóleká Yíésu ˈdu gáá lelete-, mú ˈdú yíéđianneká arge.

¹⁷Aalé ˈdéé hót úr yé gáá ˈdiiyye, kieye, Hééllá he Iny chia yú gielká, mu hé tág ye geer gaa meey, chie.