Read daasanach Korínto ki Naamaká 2 Bible Online

Korínto ki Naamaká 2 - daasanach bible

Korínto ki Naamaká 2

¹Aalé yú hol mé ˈdéé gaa eedhdhe, giri yú hí geđi ma ˈdu gáá yiimen-, yú hí ger ma gaa ˈdeđenenyká.

²Har yú hí ger gaa ˈdeeneyka, mááya ye geer gaa memeye? Máá yú geer gaa ˈdeeneyká kír hé ye geer gaa memeyo?

³Warˈgat toomééllá yú hí ˈdu gáá veereká, af kinaallá hé yú tawueká, yú álkícho ka yímenka, gál onnônyka ye geer gaa memeyká geer hai ye gaa ˈdeđeney, yú yie. ˈDaa kinaallá in yú ma kí yímen. Hé yú ógká, he yú geer ye gaa meedheka, itín úba ger haí gaa meedhe.

⁴Warˈgat kinaallá yú ka vereneká, yáá geer gaa méént ma kí véériny, geer ˈdéént ubaa imiro yú kí veere. Tá yáá kieye, gáál geer gaa ˈdeeneye, ma yéen, he giri gielmit guđo-, yú hí ka ˈguoká hí kiimisatoká.

⁵Tá máá hurtkícho he ˈdeeneyká hé yú tákámchú ye geer ma gaa ˈdeenêny, gíl ˈdáá tikiˈdka itín lul kíchia hí ger gaa ˈdeeney. Ha yú hí súm ˈdú ˈdíiny.

⁶Máállá ˈdeensen it ilish hí ˈdeenseteká hé hí ka gúúđo.

⁷Hééllá káána he af giri hí mú ˈdú ˈjeˈjeenne-, hí mú gogofsichaká, giri mú geer ˈdéént hí ma ˈdú iilshananká.

⁸Aaléka, gillo yú hí ki efe, gielmit hí mú ka ˈgayyaká mú argisía.

⁹Yú úba warˈgat kinaallá ka veerééllá, atim yú ka veere-, yú hí af ki tieká ha yú hí kí dhaay, har lulle hí ˈduuwaychoka.

¹⁰Máá hééllá ˈdeeneyallá hí ˈdú ˈjiiyyeka, yáá úba ˈdú ˈjie. Hé muí ekeyallá ˈdaalleka yú mú ˈdú ˈjieka, hé kinaallá innum Kiristoka ˈdaa kíchia yú ki ekey,

¹¹giri Sátan điđamlé muun gáál ká ˈgayyo-, ke ógallá ke kar ma shiginyká.

¹²Af giri ˈdaa Fayam Midhab Kiristóólláka ˈjien Torowas álle yú ki ˈjieká, Máá kúnnaa Guđóóllá ye kar af kí fure, yú Fayam Midhaballá ˈdiiyime.

¹³Tá af giri ál kinaal yú nyár chia Títo ma gaa árginyká mú geerle đo ye gaa ˈdeenedhe. Aalé gál nyaaram kúnnaa Kiristo-, ál kinaal gaa ijoká nyí hol Waag ki viiyye, yú đo lés Makeˈdoníállá mé ká nie.

¹⁴Nyáá nyí Waag gielmít hol ˈdú nanniyya. Waag aadh lulle ˈdaa Kiristoka hé nyí met gaa igiˈdo, fufucho. Waag nyí hújíchle ki nannasata, giri nyí Fayam Kiristóóllá hát sáláb usiyyo-, usle biiy lúl bash ki chegetokáka nyí alb lulle bash ki hođichoká.

¹⁵Kirísto ˈdaalleka nyiin hát nyí eru érle Waag mé nannuoká. Érallá gál rubach aargiroká ubaa gál baađawká hullaallé he kí ˈdoˈdodhdho.

¹⁶Tá gál baađawallá érallá ˈdoonlé hí kí ˈdoˈdootká hát hé moˈdoy-, ˈjuuray-, gáál kúfach yé ˈdú ˈdeđuoká wánlé. Tá gál rubach aargirokáka, he hát us midhab-, gálaat luolmít yé ˈdú ˈdeđuoká. Aaléka, hújích hatallo-, fargogóóllá gálya hí ura?

¹⁷Nyiin nyáá nyí hát gál burnay-, hát tagléká ˈdeeny Waaˈgiet ma ˈdiyiminy-, gálaat birm hát điđamoká gaa shugunatká muuniny. Nyiin nyí gede Kiristo-, giri Waag hí alb fafiyyo-, Waag innumleka hát ˈduwantiká gálaat ˈdeeny Waag gáá yimieká ki ˈdiyeenká.