Read daasanach Korínto ki Naamaká 6 Bible Online

Korínto ki Naamaká 6 - daasanach bible

Korínto ki Naamaká 6

¹Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

²Waag hé hoteká kieye, Aleđuđugul chia yú mureká ali kí ˈdiiyyeká yáá hí af vedhdhe. Kúlích yú hí gaa ririanká ali kí ˈdiiyyeká yáá hí ká hile,[5] he chie. Aaléka, les gaa kée, aleđuđugul Waag hí itín af veveetoká hé ali kí ˈdiiyye. Kúlích hí rubach Waag gaa aargiˈdoká hé ali kí ˈdiiyye.

³Nyiin hújích Waaˈgietallá nyáá nyí ˈgíérích gálaat Waag gaa faaganoyoká ma ki nanniny. Hújích Waaˈgietallá gálaat hí egesheyoká nyáá nyí ma fediny.

⁴ˈDaa kinaallá in hát lullé nyí iđaká ubaa he lullé nyí ekemeychoká ˈdaalleka gálaat hát nyiin nyí gede Waaˈgietká kiimita. Hatallá in hééllá lulle nyí mé ki chichirsata: gálaat nyí maanyjasia, nyí aayˈgasia, nyí he il ká aargisia,

⁵nyí tutuna, nyí higidha, nyesebim nyí ˈdu gáá kekeme, nyí hát eiy ki seseme, héétí hujichaam nyí yegese, nyí ram ˈdaˈdabiyya, nyí af higisata.

⁶Hé Waag hí ma fedinyká nyí hol gáá momoycho, nyí ˈdaalím ubaa ger gaa gúch, tá ger guurá ki seseenne. Hím Naasan Waaˈgiet nyí gaa iđóóllá nyí af tatiyya, nyí gielmit ˈdúwaká gálaat ká ˈgayya.

⁷Fargogint Waaˈgiet nyí gaa iđóóllá ˈdaalleka in nyí Fayam ˈdúwáállá gálaat ki ˈdiyeenne, nyí ˈgulo ubaa radho ˈdúwa-, Waaˈgietká gil ká ˈgayya.[6]

⁸Gálaat aadhká gál ˈdúwaká hai nyí ká dhaay, aadhká hai nyí eeshey, aadhká hai nyí fichile, aadhká hai nyí meey. Nyiin gál hé ˈdúwaká hogodhoká, kor gáál ˈbaal gál gálaat nyiimisatká he nyí ká dhaˈgama.

⁹Nyiin he gál gálaat hí ógká, kor gáál ˈbaal gál éésh mánká nyí ká dhaˈgama. Kufach har káána úba nyí igiroka, nyáá nyí hátle luogol. Gaal har úba nyí tutuneka, nyáá nyí ma kúfiny.

¹⁰Har úba nyí ger ˈdéént ki iđoka, Waag aadh lulle hé nyí ger gaa memesicho. Har káána úba nyí he manítaka, nyáá nyí gál burnayká kamur ˈdaalimo-, Waaˈgietká shigicho. Nyiin he gál hé níínní ˈguo mánká, kor nyáá nyí he lullé nyí ˈgayya.

¹¹It gál Korintóóllo, itín ˈdeeny leđuđulle-, kaany mánká ke hí geey. Itín tág it ke hí giel.

¹²Gielmit ke hí ka ˈgúóllá har hí ma kiimisanka, af kinaalka itíni hí gielmitkínyo hol gaa faaganaycha.

¹³Yú hát um chia hí ká geđia, hát ke hí gielmít ka ˈgúóllá, itín úba nyí gielmitkícho aargisía.

¹⁴Aaléka, haí gál Kirísto iiy ma yéenká hol lílen. Húgúm hé Waag hí feˈdoká el gaa igiroká ubaa húgúm hé Waag hí ma fedinyká gaa seseenká kálta hé tikiˈd yie? Biiy gaa édhká ubaa bííy gaa ongʼoˈdeká kálta hé tikiˈd yie?

¹⁵Kirísto ubaa Sátan [7] hé naanná hol ká ˈguo? Héétí, máá Kirísto iiy yieká ubaa máá Kirísto iiy ma yéenká hé hújích Waaˈgiet hol ˈgar nannuo?

¹⁶ˈBíl Waag hí gaa iđoká hé waagam hódhoká úba hí gaa ijo? Múún he ke ˈbíl Waag bííyyo ali iđoká, hát Waag hí héle hote-, kieye, Gáál hurt ha yú gaa yíéđima, gáál hollo nyí hol ˈgayya. Yú gáál Waagle hai yeedhe, gaal íín gálchú hai yeedhe,[8] chieká.

¹⁷Héétí Máá Guđo Waag úba kieye, Gál ye iiy ma yéenká hurt yé gaa ˈdée, gáál gaa fagandhíe. Ameeny hé gaa nyakarichká hol ka ridhdhíe, yú mé guđáan haí yeedhe.[9]

¹⁸Yú ˈJaakícho ha yeedhe, itín um chia yaabká ubaa um chia ˈdietká haí cheedhe, Máá Guđo Waag fargogínt lulle ˈguoká hí yie.[10]