Read daasanach Dhesaloníke Erká 1 Bible Online

Dhesaloníke Erká 1 - daasanach bible

Dhesaloníke Erká 1

¹Yáá Báulo lééllá ubaa Silfáánas, tá Tímote warˈgatééllá it gál Kiristo-, ˈJaa kúnnaa Waag ubaa Máá Guđo Yiesu Kirísto hí lé-, hí Dhesaloníke gaa iđáállá ke hí ˈdu gáá verene. Waag hí ˈdú ˈjeeˈjeen, hí naanná shiigicho.

²Nyáá nyí lulkícho ˈdaakíchoka aadh lulle Waag gielmít hol ˈdú nanniyya, Waag visankínyo ke hí meet gaa veveen.

³Iiy yeenkícho hát hí he gaa eekemeycho-, ubaa hújích kíchiallá gielmit hí ˈgayyáállá hí ki nanniyyo-, héétí har káána úba he hí ki ˈgierˈgernítaka hát hí Máá kúnnaa Guđo Yiesu Kirísto hí ˈdúúw ki ógallá nyáá nyí ˈJaa kúnnaa Waag met táb gaa ˈdoˈdooto.

⁴Nyaaram kínyaa Waag hí gielallo, itín hát Waag hí waarateká nyáá nyí óg.

⁵Hééllá he ˈdaa giri ke hí Fayam Midhaballá hát ˈdééká tákámle ke hí ma ˈdú gáá sîn, tá fayám ˈdaa giri fargogint Waaˈgiet ubaa Hím Naasan Waaˈgiet kí chimieká in itín hí fayám ˈduuwle tág og. Af giri ke hol af ijeká itín yaalmit ˈdaakíchoka nyí ki iđeká it óg.

⁶Af giri hí fayamééllá iiy chieká it tág he il hí argiyye, tá Hím Naasan Waaˈgiet hé hí ger gaa meen shiiche. Hatallá in nyíín ubaa Máá kúnnaa Guđóóllá hí yaalmitkínyo ká enniyye.

⁷Aaléka, it gál gál Kiristo lúl lés Makeˈdonia ubaa lés Akaya gaa ijoká hí ka ennianká chie.

⁸Hé Máá kúnnaa Guđóóllá hí hurtkícho gaa ekeyallá ˈdeenyle hé biiy lúl bash ki yie. ˈDeenyééllá hé gál Makeˈdonia ubaa gál Akaya tákámle hí ma mááliny. Har káána úba nyí gáál ma geenyka, hát hí Waag iiy chíéllá hé biiy lulle hí maalle.

⁹Gaal íín ˈdaakínyoka hát ke hí kí fame-, hí waagam hódhoká gil sug ki hayche-, hí Waag ali iđo-, ˈdúwáállá el gaa igiˈdoká fayamlé he hogodho.

¹⁰Gaal íín úba hát itín hí Waag Inylé uushich yé gáá ˈdeeyche-, Yíésu lé-, úr gáá yiimet-, hí met egetóóllá he hogodho. Waag Iny lééllá muuni gáál idho Waaˈgiet geđ igiˈdóóllá gáá bibisia.