Read daasanach Dhesaloníke ki Naamaká 3 Bible Online

Dhesaloníke ki Naamaká 3 - daasanach bible

Dhesaloníke ki Naamaká 3

¹Nyaaramkínyo, aaléka, nyí Waag kí viivitíe, giri Máá kúnnaa Guđoká fayamle đo biiy bash ki chegeto-, tá hát tikiˈde hí fayám iiy chíéllá, fayám gálaat úba hí hé ˈdúwaká ka dhaˈgasan-, gaalí iiy yegetká.

²Héétí ˈdaa giri gálaat lulle fayaméél iiy ma yéenká, Waag ka viivitíe, giri Waag gál hé ˈdeđew-, gaa nyakarichká gaa seseenká nyí ka ririatoká.

³Tá Máá kúnnaa Guđóóllá he máá ˈdúwa-, hí ma haađinyká. Mu fargogínt haí shigia, máá ˈdeew-, Sátan lééllá haí ká riidha.

⁴Máá kúnnaa Guđóóllá ˈdaalleka nyáá nyí óg, giri atim ke hí atieká hí el gaa igiˈda-, taalle hí ekemeychoká.

⁵Máá kúnnaa Guđo Kirísto lééllá hí kaskícho gielmit Waaˈgiet ubaa mé ki chirsan hí shiguoká hí ˈdú eew.

⁶Nyaaramkínyo, aaléka, ˈdaa meeny Máá kúnnaa Guđo Yiesu Kiristóólláka hééllá ke hí ki mure: Ameeny gál nyaaram kúnnaa gon hí he ma uu-uriny-, taalle alb ijo-, he onisiny nyí gaa maalleká ma ki iđinyallá hol gáá faganayyíe.

⁷Itín dhúrkícho yaalmitkínyo hát hí ennianno-, tagléká it óg. Af giri ke hol af ijeká nyiin nyáá nyí gál gon hí he ma uu-urinyká muuniny.

⁸Af kinaallá hé gálaat hí nyí ka shigieká nyáá nyí ma ki íđiny. Nyáá nyí kulich ubaa chúúrélle lađaanne, hujichaam farguogoká nanniyye, giri ke hí ílsh ma gaa iđíminyká.

⁹Hatallá nyí iđééllá, he hé kieye, hé geere ke hí gaa aargiroká fargogintlé nyí man muuniny, he yaalmit onnônyka hí ka enniannoká ke hí ká argisie.

¹⁰Af giri ke hol af ijeká, atim ke hí atieká kieye, Har máádhat hujich nannuoká ma urinyka, af kinaalka hai hé geere hegésen, nyí chie.

¹¹Hééllá nyí hogotóóllá, hát gál gon hí he ma uu-uriny-, taalle alb ijo-, hujichaam ma nanniny-, ˈdeemano gálaat tákámle hursam higiloká itín hí hurt gaa ijoká nyí maalle.

¹²Máá Guđo Yiesu Kirísto ˈdaalleka nyáá nyí gál hatallóóllá a tatiyya, gaal hí hujichaamle met hilio, hí héllé geere he kokuoká hujichaamlé kinaal gaa aargiro.

¹³Tá it nyaaram kínyaallo, hé midhabká ekenyle haí ˈgorosîny.

¹⁴Tá kálmaréél máádhat atim nyí warˈgatééllá gáá veeˈdeká el ma gaa igirinyka, máá kinaallá il ki chiˈdíe, mú haí hol ˈdôny, mú kern hí ˈgidho.

¹⁵Mú haí kidhich ka dháany, mú hát máá kíchia Kiristokáka af ka táa.

¹⁶Máá kúnnaa Guđo naanná hí yé gáá ˈdeˈdeennoká dhúrle hí itín yaalmisano lulle naanná gaa shiiguo, mu lulkícho hí gaa yíéđuo.

¹⁷Yáá Báulo lééllá náállá gíl chia yú kí veere. Naa hatallóóllá warˈgasam chia lulle yú gaa verene, giri warˈgát hát yú ka veereká gaalí kiimisatká.

¹⁸Máá kúnnaa Guđo Yiesu Kirísto lulkícho hí ˈdú ˈjeeˈjeen.