Read daasanach Héberew 2 Bible Online

Héberew 2 - daasanach bible

Héberew 2

¹Aaléka, fayam ˈdúwa-, ki maalééllá, kí hát ˈdabaanká mé ká ˈguo, ha ki ˈbóy gaa ˈdíiny.

²Waag hemuumuritlé héle gállé ˈgasso-, urruká gál kúnnaa Heberewká ka shíéllá hé hemuumurit farguogoká yie. Gál hemuumurit kinaal ˈdeeđeneyká ubaa gál hemuumurit kinaal el ma gaa véérinyká lulle hé he il hí argiyye.

³Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

⁴Waag hé úba fayamééllá hát ˈdúwaká gálaat argisiche, hát káána mu hé farguogo-, met hí hol ká burnay-, gálaat af ˈdaˈdabsuo-, gálaat hí ílle ki argeká eekemeyká. Waag úba hát he feˈdeká in Hím Naasanle gálaat hé shiicho onyi-, met hí hol ká burnayká shiiche.[8]

⁵Aalé lés kaana-, ka chiimetoká hé Waag hí gállé ˈgasso-, urruká mé ma ki kokony.

⁶Warˈgat Waaˈgiet ali tikiˈd hé mú tikiˈd hí ˈdéé gáá hodhe, ˈdeeny kieye, Waago, máádhat he mááya, kuun hí mé ka ˈgayyóol? Máádhat inyle he mááya, kuun hí ˈgar aayaˈgiyyóol?

⁷Kó bár gáá gaawallá gálaat gál ˈgasso-, urruká el koyye. Kó gálaat ˈdúúw shiiche, gáál ˈduwayche,[9]

⁸he lulle gáál ˈgas met fiiyye, giri gaal hé kinaal met ki ˈgieká,[10] ˈdee hí yie. Waag gálaat he lulle ˈgas met fiiyyééllá, hé níínní hayche-, gaalí mé ma ki yaalinyká mán. Kor káána ke dhaayka, he lulle hátle hé gálaat ˈgas gim gaa láʼ.

⁹Muun hé ke argóóllá he hát Yíésu Waag hí bár gáá gaawká gál urru-, ˈgassoká el koyyeká. Aalé ˈdaa giri mu he manyjay-, kúfach il hí argiyyeká in Waag mú ˈdúúw shiiche, mú ˈduwayche. ˈDaa giri Waag gálaat geer guurá ka ˈgayyoká in kúfáchallá Yíésu hí gálaat lulle ˈdú kufe.

¹⁰Waag ííni he lulle ka kuonne-, he lulle hí ki ijóóllá hé ˈdúwáállá ekeyche: Waag Yíésu hayche, mú kúfach il hí argiyye, mú máá ˈdúwa-, gálaat hí rubach gaa aargiroká hoyche. Yíésu kúfách lééllá ˈdaalleka in Waag gál burnayká umle hođisata, Yíésu íín gáál Waag guchlé ˈdúwa-, uratiká ˈdú egedhdhe.

¹¹Máá gálaat saas ˈdaˈdabsuo-, Yíésu lééllá, ubaa gállé saas gaa egewká lúl ˈJaag hí tikiˈde. ˈDaa kinaallá ˈdugaka in mu gál saas gaa egewallá, Nyaaramchú, yegetká kernle hí ma ˈgiˈgin,

¹²hát káána mu ˈJaalle geey-, kieye, Yú meenykú nyaaramchú met ha gaa ˈdiyime, gálkú hurtle arram ha yú ko ki meeye,[11] muí yíéllá.

¹³Mu geđi kieye, Yú ˈduuw Waag ki ógká hát ˈdabaanká ki yaalla,[12] yie. Héétí mu úba kieye, Bá dhaayyíe, yú ubaa um Waag hí ye ka shiicheká nyí hállia,[13] yie.

¹⁴Aaléka, ˈdaa giri umééllá gon ubaa fás ˈguoká, in Yíésu úba gon ubaa fás hat kinaallóóllá kaadhdhe, gáál ˈdú kufe. Mú kúfáchlééllá ˈdaalleka in mu máá kúfach fargogintle ˈgie-, Sátanlééllá kar rie.

¹⁵Hatallá in mu gál kúfach siermle ki ijeká kúfach siermlé kinaal gim gáá eey.

¹⁶Hé ˈduwa, mu hé gál ˈgasso-, urruká ma ˈdú ˈjeˈjeminy, mu ˈbíl íl Abiraayamo he ˈdú ˈjeˈjeme.

¹⁷Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.

¹⁸ˈDaa giri mu ki egesen gáá nadhe-, he il hí argiyyeká in mu káána gál ki egesen gáá nannaatká yiir gaa chichiˈda.