Read daasanach Bétiro Erká 5 Bible Online

Bétiro Erká 5 - daasanach bible

Bétiro Erká 5

¹It káru-, hí gáál hursam gaa iđáállo, yú he karsich, hát itíni. Yáá giri Kirísto manyjanyle il ki argééllá, af giri Waag ˈduuwle ka eedheyyoká yú úba he máá hí hol ˈduuw kinaal ˈgar aargiˈdoká. Aaléka, gillo yú hí ki efe,

²wala Waaˈgiet hí met ki ˈgiiyyáállá hát ˈdabaanká ˈdeeˈdemíe, af taatáa, tá hé kinaallá hé he mé ki tím muuniny, he hát hí uˈda-, Waag hí ki feˈdoká. Haí birm maralle ˈgíiny, hújích hí nanniyyáállá gófle ˈgáa.

³Gál Waag hí gil ká fiiyyééllá haí hemuumurít mé gim níiny, gáál yaalmit midhab-, gálle gaalí ka ennianká aargisía.

⁴Aalé gál gál Kiristo ˈdeˈdeenká Máállé hí mé ki yaalká hol ká nadheka, itín hé shiicho Waaˈgiet ˈdúúw ˈguo-, taalle bííyyo-, el met hí ma ˈgiˈginká haí aargiˈda.

⁵Tá it rúórééllo, itín úba karukícho met gaa keekemíe. ˈDaa giri Waag gál hol gál ˈdúwaká ka dhaˈgasanká điđidhan-, tá gál hol ˈdúúw ririanká ˈdú ˈjeˈjeenallá,[13] itín lulkícho, haí hol ˈdúúw ˈdeˈdéminy.

⁶Hol ˈdúúw ría, hol Waag gíl geerlé fargogiyyoká gaa káa, giri ˈdaa biiy meto hí ki seseennóóllá aleđuđugullé mákárta-, Waag hí gaa feˈdoká ali kí ˈdiiyyeka, Waag hí ˈduuwaychoká.

⁷ˈDaa giri Waag hí ki taal-, hí ˈdeˈdeennoká, hé kíchia hí ger gaa ˈdeewká Waag ˈdú hayyíe.

⁸Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

⁹ˈDaa giri nyaaram kíchia les lúl gaa ijoká manyjany hí gaa iđáállá hát úba he gaa ijoká hí ógallá Sátan gaa điiđidhmíe, iiy yeenkícho tág chiˈdíe.

¹⁰Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

¹¹Fargogínt taalle bííyyó biiyo hí mú hélle yeet. Iiy-hí, he hí hát kinaallá yeet.

¹²Yáá hí warˈgat gáá gaaw-, nyár chia Silfáánas yú máá ˈdúwaká ka dhaˈgasanallá hí ye yiir kí chiˈdééllá hí ˈdú gáá veere. ˈDeenyééllá ha yú hí ki gogofsia. Yú hí geeye, af timmééllá he ˈdúˈjím ˈdúwa-, Waaˈgietká. ˈDúˈjím ˈdúwáállá hidh ki aría.

¹³Gál Kiristo-, Waag hí itín hol ˈgar waarate-, Bábilon[14] gaa ijóóllá hé hí naa ká yie. Iny chia Márko úba hé hí naa ká yie.

¹⁴Aaléka, gielmit Kiristo hol naa ki yiegedhíe. It lulkícho Kirísto híllééllá naanná gaa yíéđía.