Read daasanach Yuána ki Seđeká 1 Bible Online

Yuána ki Seđeká 1 - daasanach bible

Yuána ki Seđeká 1

¹Yáá karsichallá kó shééléch chia yú ko tág giel-, Gáyyos lééllá in yú ko warˈgatééllá ˈdu gáá verene.

²Shééléch, yáá ko Waag kí vivisat, giri he met lulle ko met tág gaa ˈdeˈdeen-, tá hát tikiˈde sídhkú naanná iđóóllá gónkú úba Waag ki iđoká.

³Af giri gál nyaaramká ká fame-, yaalmit kua kúólle ˈGierich ˈDúwáállá[1] aadh lulle ki taalká ye fayamle ka shieká, yáá tág geer ye gaa meedhe.

⁴Yú umchú ˈGierich ˈDúwáállá ki ijoká maaleka, geer gaa meen yú aargiroká hé tág súm guđo.

⁵Shééléch, nyaaram kúnnaa ál kíchia kinaallá gáá nannaatká, har káána úba kuun hí móíytaka, hé kua gáál ki ekemeychoká hát ˈduwantiká ekemeyche.

⁶Gál ko gáá nannaatallá hé gál nyaaram-, állá gaa ijóóllá gielmitkú geey. Aaléka, gaal ˈgierimlé gaa igiroká yaalmit innum Waaˈgiet gaa tagléká ki nú, gáál ˈgas gaa kúókog. Hé kinaallá ekemeychoka, kuun hé ˈdúwaká ekemeyche.

⁷Hééllá he ˈdaa giri gaal siem ˈdaa meeny Máá kúnnaa Guđóóllá[2] ˈguo-, gaal gál Waag muogká hé níínní he ruogonon mánká.

⁸Aaléka, muun kí gál hatallóóllá ˈdú ˈjeeˈjeen, giri ke gáál ˈGíérích ˈDúwáállá hújíchle hol ˈgar nannuoká.

⁹Yáá ˈdéé hót mé tikiˈd gál kíchia nyaaram-, al kinaallóóllá ˈdu gáá veere, tá máá kíchia ˈDioteréfes hí he gil ki mumuroká fedo kinaallá hé nyí af ká điidhe.

¹⁰Aaléka, yú ká yimieka, mu yaalmitlé gaa seseen-, máálle nyí hát nebitiká fiichilóóllá metkícho ha yú gaa hogodho. Hé kinaallá úba kí hayo, mu gál nyaaram-, álkícho gáá nannaatká mé guđáan yegetká điđidhma. Mu hé gál onnônyka gáál mé guđáan yegetká úba hé kinaal ká ririat, héétí gáál gálatí gaa aruan.

¹¹Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.

¹²Tá ˈDemétiros íín hé gálaat lulle hí ˈduuwle hogodho. Mú ˈduuwlééllá hé Máá kúnnaa ˈDúwáállá[3] úba hí hogodho. Nyiin úba nyáá nyí mú ˈduuwle hogoto, tá ˈdeenykínyo hát ˈdúwaká kó óg.

¹³Yáá hé guđo-, ko ka geđuoká ˈguo. Tá ˈdéé hót yú ˈgúóllá yáá warˈgatééllá geerle ˈgalaamééllá kí verenoká ma fediny.

¹⁴Yú onnônyka ál ˈjob gáá yiimet-, ke hol af ká yíéđian-, ke hol geđuoká fede.

¹⁵Naanna Waaˈgiet gaa yíéđig. Sheel kua allóóllá hé ko naa ká chie. Sheel kínyaa al kinaallóóllá hát taataká nyí naa kí áat.