Read dhopadhola Cakirok 33 Bible Online

Cakirok 33 - dhopadhola bible

Cakirok 33

¹Yakobo otiŋo waŋe malo to neno, aka neni, Esau oyido bino gi cwo pere 400. Ameno Yakobo opoko nyithindho ri Leya, Laker, kodi ŋecin pere ma mon ario.

²Aka oketho ŋecin pere ma mon gi nyithindho pajo yuwiye, kenyo Leya gi nyithindho pere, kodi Laker gi Yozefu yucen.

³Go won otelo yuwiy jo, aka okule piny dibirio, cuka otundo bongi omin.

⁴To Esau ringo, oromo gi go, aka opodho i kore, to podho i ŋute aka ocwiyo lembe, to joywak.

⁵Aka munyo Esau otiŋo waŋe malo to neno mon gi nyithindho, openjo ni, “Me jokune ma jonikodin?” Yakobo odwoko ni, “Me nyithindho ma Were omiyo ŋeca perin ro wor pere.”

⁶Kenyo ŋecin ma mon jocore cegin, jo gi nyithindho pajo, aka jokule piny.

⁷Ameno Leya kodi nyithindho pere bende jocore cegin to jokule piny; aka macowe, Yozefu kodi Laker bende jocore cegin, aka jokule piny.

⁸Esau openjo ni, “Aŋo m'inyutho gi kitipa ma romo gine me?” Yakobo odwoko ni, “Ma nwaŋo wor wok bongi jadwoŋ paran.”

⁹To Esau waco ni, “Anigi ma romo omin an kani gim'initie gine.”

¹⁰Yakobo odwoko ni, “Be, mondo akwayin, k'anwaŋo wor i waŋ jadwoŋ paran, ere yey mic wok i cingan; rupiri adieri neno waŋin cale neno waŋ Were, gi nger wor m'ijolan gine.

¹¹Mondo yey mic m'okel rin, rupiri Were otiyo kodan gi wor, aka rupiri anitie gi ma romo.” Yakobo oywaki gi Esau cuka ojolo mic.

¹²Esau owaco ni, “Weyi wakadhi i yo mawan, aka abino telo wiyin.”

¹³To Yakobo dwoko ni, “Jadwoŋ paran iŋeyo nike nyithindho joŋic, aka aripo paro kwoŋ mwendi gi dhok ma jonitie gi nyithindhi gin. K'oredi gi jo ma ndelo acel, joje jobino tho.

¹⁴Weyi jadwoŋ paran wotel yuwiy ŋeca pere, aka abino luwo moth, cungo kwoŋ woth pa dhok gi nyithindho ma jonitie yuwiyan, cuka atundo bongi jadwoŋ paran i Seyir.”

¹⁵Esau owaco ni, “Weyi awey rin cwo paran man ma jonitie kodan.” To Yakobo dwoko ni, “Meno gima kiyenyere. Amito ran nyaka nwaŋo kisa ruwaŋin.”

¹⁶Ameno Esau omako yo dok Seyir ndelo no.

¹⁷To Yakobo okadho Sukoth, aka ogeto ot pere, gi kigo dhok ri ogwaŋe pere. Riameno kabedo no olwoŋi ni Sukoth.[23]

¹⁸Yakobo otundo maber wok i piny Mesopotamia i tindi madwoŋ Sekem, manitie i piny Kanan to ketho kambi pere kenyo.

¹⁹Onyewo adec lowo no wok bongi wot Hamor ba Sekem gi feza miya kama go oyido oget'iye wema pere.

²⁰Kenyo Yakobo oget'iye migam to lwoŋo ni El Elohe Isiraili.[24]