Read dhopadhola Cakirok 36 Bible Online

Cakirok 36 - dhopadhola bible

Cakirok 36

¹Me a nyikway Esau, ma bende ilwoŋo ni Edom.

²Esau onywomo mon pere wok bongi Jokanan; Ada nyar Elon Jahiti, Oholibama nyar Ana wod pa Zibeon Jahivi,

³kodi Basemath, nyar Isimayil nyamin Nebayoth.

⁴Ada onywolo Elifaz, aka Basemath onywolo Reuel.

⁵Oholibama onywolo Yeus, Yalam, kodi Kora. Me a wot Esau m'onywol rigo i piny Kanan.

⁶Kenyo Esau okwanyo mon pere, wote, nyir pere, kodi jopeco pere je, dhok pere, ogwaŋe pere je, kodi lim pere je m'oyido olimo i piny Kanan, aka okidho i piny mabor gi omin go Yakobo.

⁷Rupiri lim pajo oyido dit swa rijo bedo kanyacel. Lowo m'oyido jobed'iye k'onyalo thielo jo ro dhok pajo mathoth.

⁸Ameno Esau obedo i piny matendere tendere ma Edom.

⁹Me nyikway Esau ba Joedom i piny matendere tendere ma Edom.

¹⁰Me a nyingi wot Esau; Elifaz wod pa Ada cipa Esau, Reuel wod pa Basemath cipa Esau.

¹¹Wot Elifaz obedo; Teman, Omar, Zefo, Gatam, kodi Kenaz.

¹²(Timina oyido obedo malaya pa Elifaz wod pa Esau, aka go onywolo ri Elifaz wode Amalek.) Me a wot Ada, cipa Esau.

¹³Me a wot Reuel; Nahath, Zera, Sama, Miza. Me wot Basemath cipa Esau.

¹⁴Me a wot Oholibama nyar Ana wod pa Zibeon m'onywolo ri Esau; Yeus, Yalam, kodi Kora.

¹⁵Me a nonin pa wot Esau. Wod Esau makayo Elifaz obedo kwari nonin ma Teman, Omar, Zefo, Kenaz,

¹⁶Kora, Gatam, kodi Amalek. Me obedo nonin pa Elifaz i piny Edom; aka jobedo wot Ada.

¹⁷Wod Esau Reuel obedo kwari nonin ma Nahath, Zera, Sama, kodi Miza. Me nonin pa Reuel i piny Edom; jobedo wot Basemath cipa Esau.

¹⁸Me a nonin m'owok kwoŋ Esau kwoŋ cege Oholibama, nyar Ana; Yeus, Yalam, kodi Kora

¹⁹Nonin me je jowok kwoŋ Esau.

²⁰Ji won m'otire ma piny Edom oyido jopokere i nonin ma kwarere pajo obedo nyikway Edom, janono pa Hor: Lotan, Sobal, Zibeon, Ana, Dison, Ezer, kodi Disan.

²²Lotan oyido obedo kwari nonin ma Hor kodi Heman. (Lotan oyido nitie gi nyamin m'ilwoŋo ni Timina.)

²³Sobal oyido obedo kwari nonin ma Alvan, Manahath, Ebal, Sefo, kodi Onam.

²⁴Zibeon oyido nitie gi wote ario, Aya kodi Ana. Me Ana m'onwaŋo waŋ pi malieth i thim munyo kwayo punde pa bamere.

²⁵Ana oyido obedo ba Dison, m'oyido obedo kwari nonin ma Hemdan, Esiban, Ithiran, kodi Keran. Ana oyido nitie gi nyare m'ilwoŋo ni Oholibama.

²⁷Ezer oyido obedo kwari nonin ma Bilihan, Zavan, kodi Akan.

²⁸Disan oyido obedo kwari nonin ma Uzi kodi Aran.

²⁹Me a nonin ma piny Edom; Lotan Sobal Zibeon, Ana, Dison, Ezer, kodi Disan.

³¹Me a kerin ma jodhumo i piny Edom, mafodi kere moro je jok'odhumo Joisiraili.

³²Bela wod pa Bewor ma tindi madwoŋ Dinhaba.

³³Bela otho, aka Yobab wod pa Zera ma Bozra olunjo waŋe.

³⁴Yobab otho, aka Husam ma piny Teminan olunjo waŋe.

³⁵Husam otho, aka Hadad wod pa Bedadi ma tindi madwoŋ Avith, m'okengila Midian i piny Mowab olunjo waŋe.

³⁶Hadad otho, aka Samila ma Masireka olunjo waŋe.

³⁷Samila otho, aka Saulo ma Rehoboth i malawa Yufrete olunjo waŋe.

³⁸Saulo otho, aka Bal Hanan wod pa Akor olunjo go.

³⁹Bal Hanan otho, aka Hadar ma tindi madwoŋ Pau olunjo waŋe. Nyingi cege oyido ilwoŋo ni Mehetabel, nyar Matiredi ma Mezahab.

⁴⁰Me a nyingi nonin ma Esau obedo kwari jo, i pecin pajo kodi kabedo pajo, i nyingi jo: Jobedo Timina, Alvan, Yetheth,

⁴¹Oholibama, Ela, Pinon,

⁴²Kenaz, Teman, Mibizar

⁴³Magidiel, kodi Iram. Me nonin ma Edom (Esau ba Edom). Kisi kama nonin me jobed'iye olwoŋi gi nyingi jo.