Read dhopadhola Cakirok 5 Bible Online

Cakirok 5 - dhopadhola bible

Cakirok 5

¹Me nyingi nyikway Adam. (Munyo Were ocweyo nyatoro, ocweyo jo ma jocale go.

²Ocweyo jo ma cwo gi mon aka ocwoko jo ni ji).

³Munyo Adam jaoro 130 onywol rigo wode ma cale go, aka ocwoko nyinge ni Seth.

⁴Rumacen Adam okwo doko ma oro 800. Olimo nyithindho man

⁵aka otho munyo jaoro 930.

⁶Munyo Seth jaoro 105 onywol rigo wode Enos.

⁷Seth okwo doko ma oro 807. Olimo nyithindho man

⁸aka otho munyo jaoro 912.

⁹Munyo Enos jaoro piero abuŋwen, onywol rigo wode Kenan.

¹⁰Enos okwo doko ma oro 815. Olimo nyithindho man

¹¹aka otho munyo jaoro 905.

¹²Munyo Enos jaoro piero abirio, onywol rigo wode Mahalalel.

¹³Kenan okwo doko ma oro 840. Olimo nyithindho man,

¹⁴aka otho munyo jaoro 910.

¹⁵Munyo Mahalalel jaoro piero aucel g'abic, onywol rigo wode Yared.

¹⁶Mahalalel doko okwo ma oro 830. Olimo nyithindho man

¹⁷aka otho munyo jaoro 895.

¹⁸Munyo Yared jaoro 162 onywol rigo wode Enoka.

¹⁹Yared doko okwo ma oro 800. Olimo nyithindho man

²⁰aka otho munyo jaoro 962.

²¹Munyo Enoka jaoro piero aucel g'abic, onywol rigo wode Methusela.

²²Enoka obedo iy'acel gi Were ma oro 300 aka olimo nyithindho man

²³Go otundo oro 365

²⁴aka owotho gi Were to rwenyo, rupiri Were otero go.

²⁵Munyo Methusela jaoro 187 onywol rigo wode Lamek.

²⁶Methusela okwo doko ma oro 782. Olimo nyithindho man

²⁷aka otho munyo jaoro 969.

²⁸Munyo Lamek jaoro 182 onywol rigo wode

²⁹aka owaco ni, “Wok i lowo ma Rwoth okwoŋo, nyathi me bino kelo riwan gonyirok wok kwoŋ tic mawan matek.” Ameno ocwoko nyinge ni Nowa.[3]

³⁰Lamek okwo doko ma oro 595. Olimo nyithindho man

³¹aka otho munyo jaoro 777.

³²Rumacen munyo Nowa jaoro 500 onywol rigo wote adek, Semu, Ham kodi Yafeth.