Read dhopadhola 1 Kigana kwoŋ Kerin 2 Bible Online

1 Kigana kwoŋ Kerin 2 - dhopadhola bible

1 Kigana kwoŋ Kerin 2

¹Isiraili oyido nitie gi wote apar g'ario; Ruben, Simeo, Levi, Yuda, Isakar, Zebulun,

²Dan, Yozefu, Benyamin, Nafital, Gad kodi Aser.

³Yuda oyido nitie gi wote adek ma Bathsuwa dhako Jakanan onywolo rigo; Eri, Onan, kodi Sela. Onyo Eri okayo pere oyido jakidakana aka Rwoth oneko go.

⁴Ciwode Tamar bende onywolo rigo wote ario man; Perez kodi Zera.

⁵Nyikway Perez obedo Heziron kodi Hamul.

⁶Nyikway Zera obedo Zimiri, Ethan, Heman, Kalkol, kodi Dara. Kanyacel jabic.

⁷Acan wod pa Karim, acel kwoŋ nyikway Zera okelo teko kwoŋ Joisiraili munyo okano gigipiny m'oyido omiy Were.

⁸Ethan oyido nitie gi wode acel, Azaria.

⁹Nyikway Heziron obedo, Yeramel, Ram, kodi Kelubay.

¹⁰Ram obedo ba Aminadab, Aminadab obedo ba Nason, jacwo m'oŋeyere i nono pa Yuda,

¹¹Nason obedo ba Salima, Salima obedo ba Bowaz,

¹²Bowaz obedo ba Obed, Obed obedo ba Yese.

¹³Yese obedo ba Eliab okayo pere, Abinadab mar'ario, Simeya mar'adek,

¹⁴Nethanel mar'aŋwen, Raday mar'abic,

¹⁵Ozem mar'aucel, Daudi mar'abirio,

¹⁶kodi ruwaŋin jo Zeruya kodi Abigayili. Wot Zeruya obedo Abisay, Yowab, kodi Asahel, jadek.

¹⁷Wod Abigayili obedo, Amasa, aka ba Amasa oyido obedo Yether nyakwar Isimayil.

¹⁸Kaleb wod pa Heziron onywomo Azuba m'onywolo rigo nyare Yerioth. Oyido nitie gi wote adek; Yeseri, Sobab, kodi Aridon.

¹⁹Rumacen ma tho pa Azuba, Kaleb onywomo Efrath m'onywolo rigo wode Hur.

²⁰Hur obedo ba Uri, aka Uri obedo ba Bezalel.

²¹Munyo Heziron jaoro piero aucel, onywomo nyar Makir, nyamin Giliad. Jonywolo wod jo Segub,

²²aka Segub obedo ba Yayir. Yayir odhumo tindin madongo piero ario g'adek iy'adec ma Giliad.

²³To kerin ma Gesur kodi Aram jomako tindin piero aucel kenyo, kiri gi calin ma Yayir kodi Kenath, kodi tindin macegin kenyo. Ji je m'oyido jobedo kenyo oyido nyikway Makir, ba Giliad.

²⁴Rumacen ma tho pa Heziron, Kaleb onywomo Efrath, ciliendi bamere. Jonywolo wod jo Asur, m'ocako tindi Tekowa.

²⁵Nyikway Yeramel okayo pa Heziron obedo; Ram okayo pere, Buna, Oren, Ozem kodi Ahija.

²⁶Yeramel bende oyido nitie gi dhako m'ilwoŋo ni Atara m'onywolo rigo wode Onam.

²⁷Wot Ram obedo; Maz, Yamin kodi Eker.

²⁸Wot Onam obedo; Samay, kodi Yada. Nyikway Samay obedo; Nadab kodi Abisur.

²⁹Cipa Abisur oyido ilwoŋo ni Abihayili, aka onywolo rigo Aban kodi Molid.

³⁰Wot Nadab obedo; Seled kodi Apayim. Seled otho m'ongoye gi nyathi.

³¹Apayim obedo ba Isi, Isi obedo ba Sesan, aka Sesan obedo ba Alay.

³²Wot Yada omin Samay, obedo; Yether kodi Yonathan, to Yether otho m'ongoye gi nyathi.

³³Wot Yonathan obedo; Peleth kodi Zaza. Me oyido obedo nyikway Yeramel.

³⁴Onyo Sesan oyido ongoye gi wote, nyir kende; to oyido nitie gi ŋeca ma Jamisir m'ilwoŋo ni Yariha,

³⁵m'omiyo wonywom acel kwoŋ nyir pere aka jonywolo wod jo Atay.

³⁶Atay obedo ba Nathan, aka Nathan obedo ba Zabad.

³⁷Zabad obedo ba Elifal, aka Elifal obedo ba Obed.

³⁸Obed obedo ba Yehu, aka Yehu obedo ba Azaria.

³⁹Azaria obedo ba Helez, aka Helez obedo ba Eliasa.

⁴⁰Eliasa obedo ba Sisimay, aka Sisimay obedo ba Salum.

⁴¹Salum obedo ba Yekamia, aka Yekamia obedo ba Elisama.

⁴²Nyikway Kaleb omin Yeramel obedo; Mesa okayo pere, m'obedo ba Zif, Zif obedo ba Meresa, aka Meresa obedo ba Hebron.

⁴³Nyikway Hebron obedo; Kora, Tapuwa, Rekem, kodi Sema.

⁴⁴Sema obedo ba Raham, aka Raham obedo ba Yorikim. Rekem omin Sema obedo ba Samay,

⁴⁵m'obedo ba Mayon, aka Mayon obedo ba Bethzur.

⁴⁶Kaleb oyido nitie gi dhako ma thenge m'ilwoŋo ni Efiha, aka onywolo gine wote adek; Haran, Moza, kodi Gazez. Haran obedo ba Gazez.

⁴⁷Nyikway Yaday obedo; Regem, Yotham, Gesan, Pelet, Efiha kodi Safi.

⁴⁸Kaleb oyido nitie gi dhako ma thenge man m'ilwoŋo ni Maka m'onywolo rigo Seberi kodi Tirihana.

⁴⁹Rumacen onywolo wote ario; Safi m'ocako tindi Madimana, kodi Seva m'ocako tindin ma Makibena kodi Gibeya. Kaleb bende oyido nitie gi nyare m'ilwoŋo ni Akisa.

⁵⁰Me bende obedo nyikway Kaleb man. Hur oyido obedo okayo pa Kaleb gi cege Efrath. Wod Hur Sobal ocako tindi Kiriath Yerim,

⁵¹wode mar'ario Salima ocako tindi Bethelehem, aka wode mar'adek Haref ocako tindi Bethgaderi.

⁵²Sobal, m'ocako Kiriath Yerim obedo kwari ji ma Harowe, adec ji ma Menuhoth,

⁵³kodi nonin m'oyido jobedo i Kiriath Yerim: Joithra, Joputha, Josumatha kodi Jomisira. Ji ma tindi madwoŋ Zora kodi Esitayol oyido jobedo ji ma nonin me.

⁵⁴Salima m'ocako tindi Bethelehem obedo kwari ji ma Netofath, ji ma Atiroth Beth Yowab kodi ji ma Zora, m'oyido jobedo nonin ario i Manahath.

⁵⁵Pecin bende pa jondiko m'oyido jobedo i Yabez; ji ma Tiratha, ji ma Simitha kodi ji ma Sukatha. Me obedo Jokena ma jowok Hamath, kwari peco pa Rekab.