Read dhopadhola 1 Kigana kwoŋ Kerin 23 Bible Online

1 Kigana kwoŋ Kerin 23 - dhopadhola bible

1 Kigana kwoŋ Kerin 23

¹Munyo Daudi oyido oti swa, oketho wode, Solomon bedo kere i Isiraili.

²Daudi ocoko jotel je ma Isiraili, jocway ri Were i wi migam kodi Jolevi.

³Jolevi ma joromo oro piero adek kadho malo okwan jo aka oyido joromo cwo 38,000.

⁴Kere oketho 24,000 timo tic ma Ot pa Were, 6,000 kano gim'otimere kodi thumo banjin,

⁵4,000 jokur ma waŋkac kodi 4,000 wero pak ri Rwoth, gi gigipiny ma wer ma kere oketho ri atoŋa me.

⁶Daudi opoko Jolevi i kitipin adek, cungo kwoŋ nonin pajo: Gerisom, Kohath kodi Merari.

⁷Nyikway Gerisom obedo: Ladan kodi Simey.

⁸Nyikway Ladan obedo: Yehiel, Zetham kodi Yowel,

⁹m'oyido jobedo jotel ma nonin m'owok kwoŋ Ladan.

¹⁰Simey oyido nitie gi wote aŋwen: Yahath, Zina, Yeus kodi Beria cungo kwoŋ nywolirok pajo. Yeus kodi Beria jok'obedo gi nyikway jo kweth, ameno k'okwan jo paka nonin.

¹²Nyikway Kohath obedo: Amiram, Izihar, Hebron kodi Uziel, j'aŋwen.

¹³Nyikway Amiram obedo: Aron kodi Musa. Aron kodi nyikwaye okethi jo gicen kuro gigipiny maleŋ, waŋo buban i lamo Rwoth, tiyo rigo, kodi miyo ji silwany i nyingi Rwoth cil gi cil.

¹⁴To paka ri wot Musa, jacwo pa Were, okwan jo kwoŋ Jolevi.

¹⁵Nyikway Musa obedo: Gerisom kodi Elieza.

¹⁶Wod Gerisom obedo: Sebuwel m'oyido obedo jatel.

¹⁷Wod Elieza obedo: Rehabia, aka Rehabia obedo gi nyikwaye kweth.

¹⁸Wod Izihar obedo: Selomith jatel ma nono.

¹⁹Nyikway Hebron obedo: Yeria, Amaria, Yahaziel kodi Yekamim.

²⁰Nyikway Uziel obedo: Mika kodi Isia.

²¹Nyikway Merari obedo: Mahili kodi Musi. Mahili obedo ba Eliazar kodi Kisi,

²²to Eliazar otho m'ongoye gi wote, nyir kende. Nyir pere jonywomere gi wot Kis omin bajo.

²³Nyikway Musi obedo: Mahili, Eder kodi Yeremoth.

²⁴Me nyikway Levi, gi nono kodi pecin pajo, kisi dhano ondiki nyinge. Joje, ma jaoro piero ario kadho malo, omiy go tic i Ot pa Rwoth.

²⁵Kole Daudi owaco ni, “Rwoth, Were pa Isiraili omiyo ji pere siem, aka go won labedo i Yerusalem.

²⁶Ameno Jolevi jok'otiŋ Kakan ma Cikirok kodi gigipiny m'ioro i lamo kendo.”

²⁷Cungo i wiwaci pa Daudi macowe, Jolevi je ondiki nyingi jo tic ka jotundo oro piero ario,

²⁸aka omiy jo tic me konyo jocway ri Were i wi migam ma jowok kwoŋ Aron gi lamo ma Ot pa Were, yweyo diedipo mere kodi kisikin mere, kodi kuro gigipiny je maleŋ,

²⁹timo mugat, moko m'ioro i mic, mugat ma buthow, moko m'oruw gi mo, kipima mic ma Ot pa Were.

³⁰Jolapako kodi miyo Rwoth dwoŋ kisi odikin kodi othieno;

³¹kodi kisi k'imiyo Rwoth cowirok awaŋa i ndelo ma sabato, dwe manyen, kodi kalima m'oyer, cungo kwoŋ welo pajo ma ripo noknok ruwaŋ Rwoth.

³²Omiy jo tic ma kuro Wema pa Rwoth kodi Ot pa Were, kodi konyo wade pajo, jocway ri Were i wi migam ma jowok kwoŋ Aron, i lamo.