Read dhopadhola 1 Kigana kwoŋ Kerin 24 Bible Online

1 Kigana kwoŋ Kerin 24 - dhopadhola bible

1 Kigana kwoŋ Kerin 24

¹Kitipin pa nyikway Aron obedo me. Nyikway Aron obedo: Nadab, Abihu, Eliazar kodi Ithamar.

²To Nadab kodi Abihu jotho mafodi bajo k'otho, aka jok'oweyo nyikway jo; aka Eliazar kodi Ithamar to jobedo jocway ri Were i wi migam.

³Kere Daudi gi kony pa Zadok nyakwar Eliazar, kodi Ahimelek nyakwar Ithamar jocano nyikway Aron i kitipin cungo kwoŋ tic pajo.

⁴Nyikway Eliazar okethi jo i kitipin apar g'aucel, aka nyikway Ithamar i kitipin aboro; otim ama kwoŋbedo cwo oyido jothoth kwoŋ nyikway Eliazar.

⁵Paka oyido nitie jotel ma Ot pa Were kodi jotic pa Were kwoŋ nyikway Eliazar kodi nyikway Ithamar, opok jo tic gigoyo kwir.

⁶Nyikway Eliazar kodi Ithamar jobolo kwir i weso, aka Semaya wod pa Nethanel jandiko pa Jolevi oyido ndiko nyingi jo. Kere, jodhum pere, jacway ri Were i wi migam Zadok, Ahimelek wod pa Abiatha, kodi jotel ma nonin pa jocway ri Were i wi migam kodi Jolevi jobedo jokony.

⁷Me apaka pecin piero ario g'aŋwen opok jo tic pajo: Marapena obedo Yehoyarib, mar'ario obedo Yedaya,

⁸mar'adek obedo, mar'aŋwen obedo Seworim.

⁹Mar'abic obedo Malikija, mar'aucel obedo Mijamin,

¹⁰mar'abirio obedo Hakoz, mar'aboro obedo Abija.

¹¹Mar'abuŋwen obedo Yosuwa, mar'apar obedo Sekaniya,

¹²mar'apar g'acel obedo Eliasib, mar'apar g'ario obedo Yakim.

¹³Mar'apar g'adek obedo Hupa, mar'apar g'aŋwen obedo Yesebib,

¹⁴mar'apar g'abic obedo Biliga, mar'apar g'aucel obedo Imer.

¹⁵Mar'apar g'abirio obedo Hezir, mar'apar g'aboro obedo Hapizez,

¹⁶mar'apar g'abuŋwen obedo Pethahia, ma piero ario obedo Yehezikel.

¹⁷Ma piero ario g'acel obedo Jakin, ma piero ario g'ario obedo Gamul,

¹⁸ma piero ario g'adek obedo Delaya, ma piero ario g'aŋwen obedo Mazia.

¹⁹Cwo me ondiki nyingi jo cungo kwoŋ tic pajo ma donjo i Ot pa Were timo gima Aron kwari jo ocako paka Rwoth Were pa Isiraili omiyo go or.

²⁰Me wot Levi m'odoŋ man: Yedeya, nyakwar Amiram wok kwoŋ Sebuwel.

²¹Isia, nyakwar Rehabia.

²²Yahath, nyakwar Izihar wok kwoŋ Selomith.

²³Yeria, Amaria, Yehaziel kodi Yekamim wot Hebron luwo i nywolirok pajo.

²⁴Samir, nyakwar Uziel wok kwoŋ Mika.

²⁵Zekaria, nyakwar Uziel luwo kwoŋ Isia, omin Mika.

²⁶Mahili, Musi kodi Yazia, nyikway Merari.

²⁷Yazia oyido nitie gi wote adek, Soham, Zakur kodi Ibiri.

²⁸Mahili oyido nitie gi wote ario, Eliazar kodi Kisi. Eliazar oyido ongoye gi wote, to Kisi oyido nigi wode acel, Yeramel.

³⁰Musi oyido nitie gi wote adek: Mahili, Eder kodi Yermoth. Me pecin ma nono pa Jolevi

³¹Jatel ma kisi peco kodi acel kwoŋ omin go mathin jobolo kwir ma tic pajo, paka wade pajo, jocway ri Were i wi migam nyikway Aron oyido jotimo. Kere Daudi, Zadok, Ahimelek, kodi ma nonin pa jocway ri Were i wi migam kodi apa Jolevi jobedo jokony.