Read dhopadhola 1 Kigana kwoŋ Kerin 27 Bible Online

1 Kigana kwoŋ Kerin 27 - dhopadhola bible

1 Kigana kwoŋ Kerin 27

¹Me jotel ma pecin pa Joisiraili, jotel ma nono kodi jodhum pajo ma jotimo tic ma ker. Kisi dwe ma oro kitipa m'opokere ma cwo 24,000 oyido jotiyo aka jamituka ma dwe no am'oyido telo jo.

²I dwe marapena, Yasobim wod pa Zabidiel

³nyakwar Perez.

⁴I dwe mar'ario, Doday nyakwar Ahohi (Mikiloth oyido luwo go i tel).

⁵I dwe mar'adek, Benaya wod pa Yehoyada jacway ri Were i wi migam,

⁶m'oyido telo cwo piero adek aka wode Amizabad olunjo go paka jamituka ma kitipa me.

⁷I dwe mar'aŋwen, Asahel, omin Yowab aka wode Zebadia olunjo go.

⁸I dwe mar'abic, Samihuth, nyakwar Izihar.

⁹I dwe mar'aucel, Ira wod pa Ikes ma wok Tekowa.

¹⁰I dwe mar'abirio, Helez, janono pa Efrayim ma wok i Pelon.

¹¹I dwe mar'aboro, Sibekay ma wok Husa janono pa Zera.

¹²I dwe mar'abuŋwen, Abieza ma wok Anathoth iy'adec pa Benyamin.

¹³I dwe mar'apar, Maharay ma wok Netofa janono pa Zera.

¹⁴I dwe mar'apar g'acel, Benaya ma wok Pirathon iy'adec ma nono pa Efrayim.

¹⁵I dwe mar'apar g'ario: Heldai ma wok Netofa m'obedo nyakwar Othiniel.

¹⁶I nono pa Ruben jadhum mere obedo Elieza wod pa Zikiri, i nono pa Simeo jadhum mere obedo Sefatiya wod pa Maka.

¹⁷I nono pa Levi obedo Hasabia wod pa Kemuel, i nonin pa Aron obedo Zadok.

¹⁸I nono pa Yuda obedo Elihu, acel kwoŋ wutmin Daudi, i nono pa Isakar obedo Omiri wod pa Mikaili.

¹⁹I nono pa Zebulun obedo Isimaya wod pa Obadia, i nono pa Nafital obedo Yeremoth wod pa Aziriel.

²⁰I nono pa Efrayim obedo Hoseya wod pa Azazia, iy'adec nono pa Manase obedo Yowel wod pa Pedaya.

²¹Iy'adec nono pa Manase i Giliad obedo Ido wod pa Zekaria, i nono pa Benyamin obedo Jasiel wod pa Abuner.

²²I nono pa Dan obedo Azarel wod pa Yeroham. Me oyido obedo jodhum ma nonin ma Isiraili.

²³Kere k'okwano ji m'oyido fodi jok'otundo oro piero ario, kole Rwoth oyido ociko nike laloko Joisiraili bedo madit paka micalin ma pondeponde.

²⁴Yowab wod pa Zeruya, ocako kwano, to k'ocowo. Were omiyo Isiraili ro gime, ameno welo ji k'ondiki i ndiko pa Kere Daudi.

²⁵Azimaveth wod pa Adiel oyido telo kisikin pa kere ma kan, aka Yonathan wod pa Uziya oyido telo kisikin ma kan m'oyido nitie i tindin, i calin, kodi acurcur ma Isiraili.

²⁶Eziri wod pa Kelub oyido telo jotic ma jofuro i lowo pa kere.

²⁷Simey ma wok Rama oyido telo ndelin vini, aka Zabidi ma wok Sefam oyido obedo jakan vini.

²⁸Bal Hanan ma wok Geda oyido kuro yen oliv kodi musikamol, aka Yowas oyido jakan ma mo oliv.

²⁹Satay ma wok Saron oyido kuro dhok kam'othangere i Saron, aka Hafat wod pa Adilay oyido kuro dhok ma milelo.

³⁰Obili janono pa Isimayil oyido kuro ŋamia, Yedeya ma wok Meronoth oyido gweyo punde, aka Jaziz ma wok Hagar oyido kuro rombo kodi diegi.

³¹Meno a cwo m'oyido jotelo lim pa kere Daudi.

³²Yonathan, ner Daudi, oyido obedo jamic rieko manitie gi niaŋ aka jandiko. Yehiel wod pa Hakmon oyido fonjo wot kere.

³³Ahithofel oyido obedo jamic rieko pa kere, aka Husay Jarakit oyido obedo mere pa kere kodi jamic rieko.

³⁴Rumacen munyo Ahithofel otho, Abiatha kodi Yehoyada wod pa Benaya jobedo jomic rieko. Yowab oyido obedo jamituka pa jolweny pa kere.