Read dhopadhola 1 Kigana kwoŋ Kerin 4 Bible Online

1 Kigana kwoŋ Kerin 4 - dhopadhola bible

1 Kigana kwoŋ Kerin 4

¹Nyikway Yuda obedo Perez, Heziron, Karim, Hur kodi Sobal.

²Sobal obedo ba Reya, Reya obedo ba Yahath, aka Yahath obedo ba Ahumay kodi Lahad kwarere mewin ji m'oyido jobedo i Zora.

³Me obedo wot Etam: Yezirel, Isima, kodi Idibas; aka nyamin jo obedo Hazeleliponi.

⁴Penuel obedo ba Gedor, aka Ezer obedo ba Husa. Etam, Penuel kodi Ezer jobedo wot Hur, okayo pa Efratha cipa Kaleb.

⁵Asur m'ocako tindi Tekowa oyido nitie gi mon ario, Hela kodi Nara.

⁶Nara onywolo rigo wote aŋwen: Ahuzam, Hefer, Temeni kodi Hahasitar.

⁷Hela onywolo rigo wote adek: Zereth, Izihar kodi Ethinan.

⁸Koz obedo ba Anub kodi Zobeba, kodi kwari nonin ma jowok kwoŋ Aharihel wod pa Harum.

⁹Oyido nitie jacwo m'ilwoŋo ni Yabez m'oyido iworo swa loyo i peco pajo. Yokimere ocwoko rigo nyinge ni Yabez kwoŋbedo onywolo go i litho.

¹⁰To Yabez okwayo Were pa Isiraili ni, “Miyan silwany, Were, aka yaw kew paran. Bedi kodan aka kuran kwoŋ gima nyalo kelo ran litho.” Aka Were omiyo go gim'okwayo.

¹¹Kaleb, omin Suha oyido nitie gi wode, Mehir. Mehir obedo ba Esiton.

¹²Esiton obedo ba Bethrafa, Paseya kodi Tehina, aka Tehina obedo ba Irinahas. Nyikway cwo me oyido jobedo i Reka.

¹³Nyikway Kenaz obedo: Othiniel kodi Seraya. Othiniel obedo ba Hathath kodi Mewonothay.

¹⁴Mewonothay obedo ba Ofira. Seraya obedo ba Yowab m'ocako milelo pa jocwec, kama jondijo je jobed'iye.

¹⁵Kaleb wod pa Yefune oyido nitie gi wote adek: Iru, Ela kodi Nam. Aka Ela obedo ba Kenaz.

¹⁶Nyikway Yehalelel obedo: Zif, Zifa, Tira kodi Asahel.

¹⁷Nyikway Ezira obedo: Yether, Mered, Efer kodi Yalon. Mered onywomo Bithia nyar kere ma Misir aka jonywolo nyar jo acel Miriam, kodi wot jo ario: Samay kodi Isiba m'ocako tindi Esitemowa.

¹⁸Mered bende onywomo dhako ma wok Yuda aka jonywolo wot jo adek: Yered, m'ocako tindi Gedor, Heber, m'ocako tindi Soko kodi Yekuthiel, m'ocako tindi Zanowa.

¹⁹Hodia onywomo nyamin Naham. Nyikway jo jocako nono Garimi, m'oyido jobedo i tindi Keila, kodi Maka, m'oyido jobedo i tindi Esitemowa.

²⁰Nyikway Simon obedo: Aminon, Rina, Benhanan kodi Tilon. Nyikway Isi obedo: Zoheth kodi Benzoheth.

²¹Nyikway Sela wod pa Yuda obedo: Eri, m'ocako tindi Leka, Lada m'ocako tindi Maresa; nono pa jokwoc nangin mafoth, m'oyido jobedo i tindi Beth Asibeya;

²²Yokim kodi ji m'oyido jobedo i tindi Kozeba, Yowas kodi Saraf, m'onywomo mon ma jowok i Mowab to geto i Bethelehem.

²³Jo oyido jobedo ŋecin pa kere aka oyido jobedo i tindi Netayim kodi Gedera.

²⁴Nyikway Simeo obedo: Nemuel, Yamin, Yarib, Zera kodi Saulo.

²⁵Saulo obedo ba Salum, nyakware obedo Mibisam, aka nyakwar wode obedo Misima.

²⁶Nyikway Misima obedo: Hamuel, Zakur kodi Simey.

²⁷Simey oyido nitie gi wote apar g'aucel kodi nyir aucel, to wade pere oyido jonitie gi nyithindho manok, aka nono pa Simeo k'olak paka nono pa Yuda.

²⁸Oyido jobedo i tindi Berseba, Molada, Hazarsual,

²⁹Biliha, Ezem, Tolad,

³⁰Bethuel, Horima, Ziklag,

³¹Bethmarkaboth, Hazarisusim, Bethbiri, kodi Sarim. Me oyido tindin pajo tundo i hongo ma Daudi obedo kere.

³²Jo bende jobedo i kabedo abic man: Etam, Ayin, Rimon, Token, Asan,

³³kodi calin m'oyido othoko tindin me tundo kiri i tindi Balath. Me randik ma jokuro ma mako kwoŋ pecin pajo kodi kam'oyido jobed'iye.

³⁴Mesobab, Yamilek, Yosa wod pa Amaziya,

³⁵Yowel, Yehu wod pa Yosibia, wod pa Seraya, wod pa Asiel,

³⁶Eliowenay, Yakoba, Yesohaya, Asaya, Adiel, Yesimiel, Benaya,

³⁷Ziza wod pa Sifi, wod pa Alon, wod pa Yedaya, wod pa Simiri, wod pa Semaya.

³⁸Me oyido jobedo jotel pecin pajo, aka nonin pajo omedere swa.

³⁹Joywore kiri yupodho ceŋ cegin gi Gedor aka jokwayo rombo pajo yuwok ceŋ ma milelo,

⁴⁰kama jonwaŋo lum m'oloth maber i lowo malac, m'opie aka ma siem nitie iye. Kole ji m'oyido jobedo kenyo obedo jonono pa Ham.

⁴¹I hongo pa kere Hezekia ma Yuda, cwo ma malo jokadho Gedor aka jonyeko wema kodi udi lum pa ji m'oyido jobedo kenyo. Joriemo woko jo aka jogeto kenyo kicutho kwoŋbedo kenyo oyido nitie lum kweth ri rombo pajo.

⁴²Ji miya abic man ma nono pa Simeo jokadho yuwok ceŋ ma Edom. Nyikway Isi: Pelatia, Neria, Refaya kodi Uziel ama jotelo jo.

⁴³Kenyo joneko Joamalek m'oyido jodoŋ aka fodi jobedo kenyo kiri konon.