Read dhopadhola 1 Kigana kwoŋ Kerin 7 Bible Online

1 Kigana kwoŋ Kerin 7 - dhopadhola bible

1 Kigana kwoŋ Kerin 7

¹Nyikway Isakar obedo: Tola, Puwa, Yasub kodi Simiron.

²Nyikway Tola obedo: Uzi, Refaya, Yeriel, Yahimay, Ibisam kodi Semuel. Jo oyido jobedo jotel ma pecin ma nono pa Tola aka jolweny matek i luse pajo. I hongo pa Kere Daudi nyikway jo oyido romo 22,600.

³Wod Uzi obedo Izirahia. Nyikway Izirahia obedo: Mikaili, Obadia, Yowel kodi Isia, aka oyido jobedo jotel ma pecin pajo.

⁴Oyido jonitie gi mon kweth kodi nyikway jo kweth aka jonyalo bedo gi cwo 36,000 ma jolweny.

⁵Randik ma mako kwoŋ jowaco nike i pecin pajo je oyido jonitie gi cwo 87,000 i nono pa Benyamin ma jonyalo lweny.

⁶Nyikway Benyamin obedo: Bela, Beker kodi Yediael, jadek.

⁷Nyikway Bela obedo: Ezibon, Uzi, Uziel Yerimoth, kodi Ir, jabic. Oyido jobedo jotel ma pecin pajo i nono aka jolweny matek. Kwoŋ nyikway jo oyido nitie cwo 22,034 ma jonyalo lweny.

⁸Nyikway Beker obedo: Zemira, Yowas, Elieza, Eliowenay, Omiri, Yeremoth, Abija, Anathoth kodi Alemeth.

⁹Randik ma mako kwoŋ jowaco nike peco gi peco oyido nitie cwo 20,200 ma jonyalo lweny.

¹⁰Wod Yediael obedo Bilihan. Nyikway Bilihan obedo: Yeus, Benyamin, Ehud, Kenana, Zethan, Tarsis kodi Ahisahar.

¹¹Oyido jobedo jotel ma pecin ma nono aka jolweny matek. Kwoŋ nyikway jo oyido nitie cwo 17,200 ma jonyalo lweny.

¹²Sufim kodi Hupim jobedo wot Ir, aka Husim obedo wod pa Aher.

¹³Nyikway Nafital obedo: Jahiziel, Guni, Jezer kodi Salum. (Jobedo nyikway Biliha malaya pa Yakobo m'onywolo Dan kodi Nafital.)

¹⁴Nyikway Manase obedo: Asiriel kodi Makir dhako pere ma thenge ma wok Arameyan onywolo. Makir obedo ba Giliad.

¹⁵Makir onywomo ri Hufim dhako, to nywomo ri Sufim bende dhako. Nyamin go oyido ilwoŋ ni Maka. Wod Makir mar'ario obedo Zelofehad, aka onywolo nyir kende.

¹⁶Maka, cipa Makir onywolo rigo wote; Peres kodi Seres. Peres obedo ba Ulam kodi Rakem.

¹⁷Ulam obedo ba Bedan. Me je obedo nyikway Giliad, wod pa Makir aka nyakwar Manase.

¹⁸Nyamin Giliad, Hamoleketh onywolo wote: Isihod, Abieza kodi Mahila.

¹⁹Nyikway Semida obedo Ahiyan, Sekem, Likihi kodi Aniam.

²⁰Me nyikway Efrayim wok i luse tundo i luse: Suthela, Bered, Tahath, Eliada, Tahath,

²¹Zabad, Suthela. Efrayim oyido nitie gi wote ario man: Ezer kodi Elad m'oneki jo munyo jotemo kwalo dhok pa ji ma Gath.

²²Ba Joefrayim oywako jo ma ndelo kweth, aka wade pere jobino yomo cunye.

²³Efrayim onindo gi cege kendo aka cege ogamo iye to nywolo wode. Jocwoko nyinge ni Beria kwoŋbedo teko oyido opodho peco pajo.

²⁴Efrayim oyido nitie gi nyare m'ilwoŋo ni Sera. Ogeto tindin Bethhoron ma yumalo kodi yupiny kodi Uzen Sera.

²⁵Efrayim oyido nitie gi wode man, Refa ma nyikwaye jobedo: Resef, Tela, Tahan,

²⁶Ladan, Amihud, Elisama,

²⁷Nun kodi Yosuwa.

²⁸Adece ma jotero to jogeto iye obedo: Bethel kodi tindin mere, yuwok ceŋ ma Naran, yuwok ceŋ ma Gezer kodi tindin mere, Sekem kodi tindin mere tundo kiri Aya kodi tindin mere.

²⁹Nyikway Manase oyido jodhumo tindin madongo Bethsan kodi tindin mere, Tanak kodi tindin mere, Megido kodi tindin mere kodi Dor kodi Aya kodi tindin mere. Me je kabedo ma nyikway Yozefu wod pa Yakobo oyido jobed'iye.

³⁰Nyikway Aser obedo: Imina, Isiva, Isivi, Beria kodi nyamin jo Sera.

³¹Nyikway Beria obedo: Heber, Melikiel m'obedo ba Birizayith.

³²Nyikway Heber obedo: Yafilet, Soma, Hotham kodi nyamin jo Suwa.

³³Nyikway Yafilet obedo: Pasak, Bimihal kodi Asivath.

³⁴Nyikway Soma obedo: Ahi, Roga, Huba kodi Aram.

³⁵Nyikway Hotham obedo: Zofa, Imina, Seles kodi Amal.

³⁶Nyikway Zofa obedo: Suwa, Harinefer, Suwal, Ber, Imira

³⁷Beza, Hod, Sama, Silisa, Ithiran kodi Bera.

³⁸Nyikway Yether obedo: Yefune, Pisipa kodi Ara.

³⁹Nyikway Ula obedo: Ara, Haniel kodi Rizia.

⁴⁰Me je obedo nyikway Aser Jobedo jotel ma pecin pajo, aka jolweny matek. Kwoŋ nyikway Aser oyido nitie cwo 26,000 ma jonyalo lweny.