Read dhopadhola 2 Kigana kwoŋ Kerin 4 Bible Online

2 Kigana kwoŋ Kerin 4 - dhopadhola bible

2 Kigana kwoŋ Kerin 4

¹Kere Solomon otimo migam ma ywel, m'obedo mita abuŋwen i thenge aŋwen marom, mita 4.5 i ŋawirok.

²Go bende otimo pipa ma nyaraunda gi ywel, lutho mere oyido mita 2.2 i laco mere oyido mita 4.4 aka dwoŋo mere oyido mita 13.2.

³Oyido nitie bol ario mar'asande m'otimi gi ywel thoko miango ma pipa woko m'otimi i nger acel.

⁴Pipa oyido obedo i wi cal ma thwondhe apar g'ario ma joŋiyo woko, adek i kisi thenge.

⁵Nywol pipa oyido timo milimita piero abirio g'abic. Dhoke oyido cale dhok kikopo, m'oyare woko paka thiw mawuwa. Pipa no oyido tiŋo lita 60,000.

⁶Solomon bende otimo galaya apar ma lawo woko remo mar'ogwaŋe m'imiyo paka cowirok awaŋa, to ketho abic yuthenge ma yupiny, kodi abic yuthenge ma yumalo. Pi m'oyido nitie i pipa madwoŋ oyido obedo apa jocway ri Were i wi migam ma lwoki.

⁷ Solomon bende otimo raŋaw talin apar ma zahabu paka oyido owaci nike wotim, to ketho jo i Ot pa Were, abic yupiny kodi abic yumalo.

⁸Go bende otimo mezin apar, to ketho jo i Ot pa Were, abic racuc kodi abic racam. Solomon otimo galayere 100 ma zahabu.

⁹Go otimo diedipo ma iye ri jocway ri Were i wi migam, kodi diedipo ma woko kodi thigin mere to umo thigin no gi ywel;

¹⁰oketho pipa yuthenge ma yupiny ma yuwok ceŋ ma Ot pa Were.

¹¹Hiram otimo degi, kijiko ma fufa kodi galayere. Ameno Hiram ocowo tic m'otimo ri kere Solomon i Ot pa Were.

¹²Sirin ario, atewe, kisul ario i wi sirin i cal mar'atewe kodi lijegere m'okedi i wi kisul sirin;

¹³kodi pomo 400 i bol ario thoko lijegere m'okedi m'oyido i wi kisul sirin.

¹⁴Hiram bende otimo raŋaw talin, kodi galaya i pendi jo,

¹⁵pipa acel, kodi cal ma thwondhe apar g'ario i pende.

¹⁶Degi, kijikin ma fufa, wumin, kodi gigipiny man je ma Hiram otimo gi ywel m'oleny ri kere Solomon ri Ot pa Rwoth.

¹⁷Kere omiyo wotim je i dier Sukoth kodi Zereda i milelo Yordan.

¹⁸Ameno otim gigipiny kweth m'ongoye ŋat'onyalo ŋeyo peko ma ywel m'ooro.

¹⁹Ameno Solomon otimo gigipiny je m'oyido nitie i Ot pa Were: Migam ma zahabu, mezin ma ketho mugat maleŋ m'imiyo Were,

²⁰raŋaw kodi talin pajo ma zahabu macil maliel ruwaŋ Kabedo Maleŋ Loyo, paka ocan,

²¹mawuwin, talin, lew jo je ma zahabu macil;

²²gi jolo buru ma tala, galayere, atewe ma tiŋo buban, kodi sapikere ma cuk mac, je ma zahabu macil. Thigin ma donjo i Ot pa Were, thigin ma donjo i Kabedo Maleŋ Loyo oum gi zahabu.