Read dhopadhola Nehemia 10 Bible Online

Nehemia 10 - dhopadhola bible

Nehemia 10

¹Nehemia wod Hakalia am'open ketho cinge paka gavana, kanyacel gi Zedekia gi jocway ri Were i wi migam me:

²Seraya, Azaria, Yeremia,

³Pasur, Amaria, Malikija,

⁴Hatus, Sebania, Maluk,

⁵Harim, Meremoth, Obadia,

⁶Daniel, Ginethon, Baruk,

⁷Mesulam, Abija, Miyamin,

⁸Mazia, Bilgai, kodi Samaya.

⁹Jolevi ma joketho cingi jo obedo: Yesuwa wod Azania, Binuy janono pa Henadad, Kadmiel,

¹⁰Sebania, Hodia, Kelita, Pelaya, Hanan,

¹¹Mika, Rehob, Hasabia,

¹²Zakur, Serebia, Sebania,

¹³Hodia, Bani, gi Beninu.

¹⁴Jotel pa ji ma joketho cingi jo obedo: Paros, Pahath Mowab, Elam, Zatu, Bani,

¹⁵Buni, Azigadi, Bebay,

¹⁶Adoniya, Bigvay, Adin,

¹⁷Ater, Hezekia, Azur,

¹⁸Hodia, Hasum, Bezay,

¹⁹Harif, Anathoth, Nebay,

²⁰Magpias, Mesulam, Hezir,

²¹Mesezabel, Zadok, Yaduwa,

²²Pelatia, Hanan, Anaya,

²³Hoseya, Hanania, Hasub,

²⁴Halohes, Piliha, Sobek,

²⁵Rehum, Hasabna, Maseya,

²⁶Ahija, Hanan, Anan,

²⁷Maluk, Harim, gi Bana.

²⁸Wan, Joisiraili, jocway ri Were i wi migam, Jolevi, jokur ma Ot pa Were, jower, jotic ma Ot pa Were, gi jono je ma jopokere kwoŋ jopath ma jobedo i lowo mawan, luwo Cik pa Were, wan, kanyacel gi mon mawan, kodi nyithindho mawan ma joniaŋ gima watimo,

²⁹wariwere ka gi jotel mawan i kwoŋirok ni walatimo gima Cik pa Were m'omiyo ŋeca pere Musa waco, walawinjo cik pa Rwoth, aka walakuro cik pere je gi fonji mere je. Ka wakitimo ameno walwoŋo lam kwoŋ wan.

³⁰Wakilanywomo kosa nywomere gi jopath ma jobedo i lowo mawan.

³¹Ka jopath jokel riwan ŋano kosa giman je kitana riwan i ndelo ma Sabato kosa i ndelo man je maleŋ, wakilanyewo. Kisi oro mar'abirio wakilafuro i lowo mawan, aka walareyo woko banjin je.

³²Kisi oro kisi dhano kwoŋ wan lakelo gram abic ma feza ma konyo culo tic ma Ot pa Were.

³³Walamiyo gigipiny ma mitere i Ot pa Were i lamo; mugat maleŋ, mic ma kisi ndelo ma ŋano, ogwaŋe awaŋa kisi ndelo paka cowirok, mic maleŋ ri Sabato, Kalima ma dwe manyen, kodi kalima man je, mic ma cwako reco pa Isiraili, kodi giman je ma mitere i Ot pa Were.

³⁴Wan, Joisiraili, jocway ri Were i wi migam, gi Jolevi, walayero kisi oro nono ma ladimo yen ma waŋo cowirok m'imiyo Rwoth Were mawan, paka ondiki i Cik.

³⁵Kisi oro walatero i Ot pa Were ŋano ma watelo keco gi olemo je ma telo cek i wi yen mawan.

³⁶Okayo mawan je gi okayo mar'ogwaŋe mawan ma peco je walatero ri jacway ri Were i wi migam i Ot pa Were paka ondiki i Cik.

³⁷Kisi oro walatero ri jacway ri Were i wi migam mugat ma watimo gi ŋano gi mic man ma vini, mo, kodi nger olemo je. Walatero ri Jolevi ma jocoko acel wiy apar wok i ndelin mawan, cemo ma wafuro i lowo mawan.

³⁸Aka jocway ri Were i wi migam ma jobedo nyikway Aron joripo bedo kanyacel gi Jolevi k'icoko acel wiy apar, aka m'ilaoro i Ot pa Were Jolevi jolatero i kisikin ma kan ma Ot pa Were acel wiy apar mar'acel wiy apar ma jocoko.

³⁹Joisiraili kodi Jolevi joripo tero mic ma ŋano, vini, kodi mo i kisikin ma kan kama ikan'iye gigipiny ma Ot pa Were aka ma jocway ri Were i wi migam, jokur, kodi jower ma jonitie i weso ma tic jobed'iye. Wa kilajwango Ot pa Were mawan.