Read dhopadhola Nehemia 7 Bible Online

Nehemia 7 - dhopadhola bible

Nehemia 7

¹Onyo geto kor ot kendo orumo, okethi waŋkace, aka jokur ma waŋkace, jower, gi Jolevi je omiy jo tic.

²Amiyo omin an Hanani gi Hanania jamituka ma tindi madwoŋ kuro Yerusalem. Hanania oyido obedo jacwo ma genere aka lworo Were loyo ji kweth.

³Awaco rijo ni jokiri jowoyaw waŋkace ma Yerusalem odikin cuka ceŋ liel aka jowocegi othieno kafodi jokur jok'oeye tic. Awaco rijo bende yero jokur i dier ji m'oyido jobedo i Yerusalem jowokethi jo i kabedo m'opokere opokere kuro gi man ma jowotho kikaŋasa udi pajo.

⁴Yerusalem oyido obedo tindi madwoŋ malac aka oyare, to ji m'oyido jobed'iye oyido jonok aka oyido oget'iye udi manok.

⁵Kenyo Were omiyan paro ma coko jodhum gi jotel gi ji je rango nonin pajo. Aka anwaŋo kitawo m'oyido ondik'iye nonin pa ji ma jopen dwoko, aka me a gim'ondik'iye.

⁶Me ji ma jowok i twec i Babilon to jodok i Yerusalem gi Yuda, kisi dhano i tindi pere. Pecin pajo oyido jobedo i Babilon wok cuka Kere Nebukadineza kadhi gi jo paka jotwec.

⁷Jotel pajo jobedo Zerubabel, Yesuwa, Nehemia, Seraya, Relaya, Modekay, Bilsan, Mispar, Bigvay, Rehum, kodi Bana. Me a nyingi Joyuda ma jodwoko:

⁸Nyikway Paros, 2,172.

⁹Nyikway Sefatiya, 372.

¹⁰Nyikway Ara, 652

¹¹Nyikway Pahath Mowab (nyikway Yesuwa gi Yowab) 2,818.

¹²Nyikway Elam, 1,254.

¹³Nyikway Zatu, 845.

¹⁴Nyikway Zakay, 760.

¹⁵Nyikway Binuy, 648.

¹⁶Nyikway Bebay, 628.

¹⁷Nyikway Azigadi, 2,322.

¹⁸Nyikway Adonikam, 667.

¹⁹Nyikway Bigvay, 2,067.

²⁰Nyikway Adin, 655.

²¹Nyikway Ater (ma bende ilwoŋo ni Hezekia) 98.

²²Nyikway Hasum, 328.

²³Nyikway Bezay, 324.

²⁴Nyikway Harif, 112

²⁵Nyikway Gibar, 95.

²⁶Wok i tindi Bethelehem, ji 188.

²⁷Wok i tindi Anathoth, ji 128. Wok i tindi Netofa, ji 56.

²⁸Wok i tindi Azimaveth, 42.

²⁹Wok i tindi Kiriath Yerim, Kefira, gi Beroth, ji 743.

³⁰Wok i tindi Rama gi Geba, ji 621.

³¹Wok i tindi Mikmas, ji 122.

³²Wok i tindi Bethel gi Ay, ji 123.

³³Wok i tindi Nebo man ji 52

³⁴Wok i tindi Elam man, ji 1,254.

³⁵Wok i tindi Harim, ji 320.

³⁶Wok i tindi Yeriko, ji 345.

³⁷Wok i tindin Lod, Hadid gi Ono, ji 721

³⁸Wok i tindi Sena, ji 3,930.

³⁹Me a jocway ri Were i wi migam ma jodwoko: Nyikway Yedaya, ma ot pa Yesuwa, 973.

⁴⁰Nyikway Imer, 1,052.

⁴¹Nyikway Pasur, 1,247.

⁴²Nyikway Harim, 1,017.

⁴³Me Jolevi ma jodwoko wok i twec: Nyikway Yesuwa, Kadmiel gi Hodavia, 74.

⁴⁴Jower ma Ot pa Were (nyikway Asaf) 148.

⁴⁵Jokur ma Ot pa Were (Nyikway Salum, Ater, Talmon, Akub, Hatita, gi Sobay) 138.

⁴⁶Me nono pa jotic ma Ot pa Were ma jodwoko wok i twec: Ziha, Hasufa, Tabayoth,

⁴⁷Keros, Sia, Padon,

⁴⁸Lebana, Hagaba, Salimay,

⁴⁹Hanan, Gidel, Gahar,

⁵⁰Reaya, Rezin, Nekoda,

⁵¹Gazam, Uza, Paseya,

⁵²Besay, Menui, Nefusesim,

⁵³Bakbuk, Hakufa, Harhur,

⁵⁴Bazlith, Mehida, Harsa,

⁵⁵Barkos, Sisera, Tema,

⁵⁶Nezia, gi Hatifa.

⁵⁷Me nono pa ŋecin pa Solomon ma nyikway jo, jodwoko wok i twec: Sotai, Sofereth, Perida,

⁵⁸Jala, Darkon, Gidel,

⁵⁹Sefatiya, Hatil, Pokereth Hazebayim, gi Ami.

⁶⁰Welo pa jotic ma Ot pa Were gi nyikway ŋecin pa Solomon ma jodwoko wok i twec je oyido obedo 392.

⁶¹Kitipa man m'oyido jowok i tindin ma Telmela, Telharsa, Kerub, Adon, gi Imer, jodwoko i Yerusalem, makada nende oyido jok'onyalo ŋeyo ni oyido jobedo nyikway Joisiraili.

⁶²Kitipa me oyido jobedo nyikway Delaya, Tobia, gi Nekoda, jo je ji 642.

⁶³Me nonin pa Jocway ri Were i wi migam ma jodwoko i Yerusalem: Hobaya, Hakoz, gi Barzilay. (Barzilay me oyido onywomo nyakwar Barzilay ma wok i Giliad, aka otero nyingi cege ma peco pajo)

⁶⁴Jome jodwaro nyingi jo kam'ondik'iye nyingi ji aka jok'onwaŋo, riameno k'oyey jo tic paka jocway ri Were i wi migam.

⁶⁵Gavana ma Yuda owaco rijo ni jokiripi camo cemo pa jocway ri Were i wi migam cuka obedi jacway ri Were i wi migam m'openji Rwoth kwoŋ wac no gi Urim kodi Thumim.

⁶⁶Ameno ji je ma jodwoko i Yuda wok i twec oyido romo 42,360

⁶⁷medo i wi ŋecin 7,337 jower 245 mon gi cwo.

⁶⁸Jodwoko gi kayinin 736 punde 245

⁶⁹ŋamin 435 gi punde 6,720.

⁷⁰Onyo megi kwoŋ jotel ma nonin jomiyo mic ma geto kendo Ot pa Were. Gavana won omiyo kilo aboro ma zahabu, galaya piero abic, gi law pa jocway ri Were i wi migam 530.

⁷¹Aka jotel megi kwoŋ jotel jomiyo kilo 168 ma zahabu gi kilo 1,250 ma feza.

⁷²Ji man je jomiyo kilo 168 ma zahabu, kilo 140 ma feza gi law pa jocway ri Were i wi migam piero aucel g'ario.

⁷³Ameno jocway ri Were i wi migam, Jolevi, jokur ma Ot pa Were, jower, ji ma kisi ndelo, jotic ma Ot pa Were gi ji je jogeto i tindin gi tindin madongo i Yuda, i dwe mar'abirio pajo.