Read dhopadhola Esita 6 Bible Online

Esita 6 - dhopadhola bible

Esita 6

¹Gi wor no won, kere Aritakises k'onyalo nindo, aka owaco ni okeli rigo kitawo m'ondik'iye gim'otieko timere m'iripo poyo i ker pere aka osoma rigo.

²I kitawo no, onwaŋere ni nitie gim'ondiki ma mako kwoŋ Modekay. Modekay ndelo moro onyalo botho kwo pa kere munyo jokur dhiot ma kisika pa kere ma jolur, Bigithana gi Teres jocano neko kere.

³Kere openjo ŋecin pere ni, “Aŋo ma watieko timo ma foyo Modekay ri gime?” Ŋecin pere jodwoko ni, “Fodi k'otimi gimoro ma foyo go.”

⁴To kere penjo k'oyido nitie jodhum pere ma jonitie i diedipo pa kere. I hongo ma kere luwo no, ama Haman bende odonjo i diedipo pa kere g'atoŋa ma waco ri kere can pere ma ŋawo Modekay i kanek m'oyido otieko geto rigo.

⁵Ameno ŋecin pa kere jodwoko ni, “Haman ama nitie ka kuro nenin.” Kere owaco ni, “Lwoŋ go wobin.”

⁶Munyo Haman odonjo, kere owaco rigo ni, “Nitie jacwo m'amito swa ni afoy. Iparo ni ber atim rigo aŋo?” Haman obedo gi paro moro i cunye ni, “To ŋa won doko ma kere nyalo foyo ka k'obedo an!”

⁷Haman odwoko kere ni, “Ri jacwo ma kere mito foyo! Ere weyi kere womiy cik woruki ri jacwo no nangin ma kere won ruko. Aka doko kere womiy cik wokel ŋamia pa kere kareno oruki i wiye sangaria.

⁹Aka kere womiy acel kwoŋ jodhum pere cik, woruki ri jacwo no ruk pa kere aka wokethi go wobedi i wi kayina to telo go kareno jowotho thoko tindi madwoŋ Susa. Iwaci ri jadhum no wokoki ka jowotho ama, ‘Me apaka iripo timo ri jacwo ma kere mito foyo.’ ”

¹⁰Kere owaco ri Haman ni, “Redi piyo eno, inwaŋ ruk no kiri gi ŋamia m'iwaco no ikidhi itim ri Modekay Jayuda m'obedo i waŋkac ma peco pa kere. Ikir'iwey m'ikiluwo wac kada nyaka mathin m'owok i dhokin.”

¹¹Ameno Haman okidho aka oruko ri Modekay law pa kere, to ketho go i wi kayina. Haman otelo Modekay kareno jowotho thoko tindi madwoŋ Susa gipi aka okoko ni, “Me a gim'iripo timo ri jacwo ma kere mito foyo.”

¹²Rumacen Modekay ogik i waŋkac ma peco pa kere, aka Haman odok peco pere munyo winjo malith swa aka wiye okwot.

¹³Munyo Haman owaco ri merin pere ma joriek gi Zeres dhako pere gim'otimere rigo, jodwoko go ni, “K'inen ni obedo Modekay nyakwar Joyuda ama ocako camo tiendin gi piny ma redho dwoŋ perin, ikibino nyalo go; aka adieri go bino lacin.”

¹⁴Munyo Zeres cipa Haman gi merin pa Haman fodi joluwo gi go, ŋecin pa kere ma jolur jobino aka joredo gi Haman i kalima pa Esita.