Read dhopadhola Wok 21 Bible Online

Wok 21 - dhopadhola bible

Wok 21

¹“Miy Joisiraili cik me.

²Ka winyewo ŋeca ma jacwo ma Jayuda, wotiy ma oro aucel, aka i oro mar'abirio wogonyi go m'ongoye cul.

³K'inen munyo go lokere ŋeca oyido fodi k'onywomo, wokiri wokadhi gi dhako. To k'inen oyido nitie gi dhako, wokadhi gine.

⁴Ka jadwoŋ pere omiyo go dhako to nywolo rigo yac kosa nyir, nyithindho no gi dhako jodoŋ apa jadwoŋ pere to jalo wokadhi kende.

⁵To ka ŋeca no owaci kamaler ni, ‘Amaro jadwoŋ paran, dhako paran gi nyithindho paran. Akimiti wogonyan.’

⁶Kenyo jadwoŋ pere wokel go ruwaŋ Were. Womiy go cungo i dhiot kosa i miango ma dhiot ma ot ma lamo to tuco ithe aka ŋeca no bino tiyo rigo i kwo pere je.”

⁷“Ka nyatoro otana nyare paka ŋeca, kilagonyo go paka ŋeca ma jacwo.

⁸K'inen otana go gi jacwo ma mito loko go cege, to kucel jacwo no k'omaro go, wotana go gi bamere. Jadwoŋ pere kiripi kitana go gi jopath rupiri k'otero go g'adieri.

⁹Ka nyatoro onyewo ŋeca madhako ri wode, ripo tero go paka nyare.

¹⁰Ka nyatoro onywomo dhako man, go ripo medirok gi miyo dhako pere marapena cemo gi nangin gi gima go ripo nwaŋo je i nywomirok paka dhako marapena.

¹¹Aka ka go k'otimo gigipiny adek me rigo, wogonyi go m'ongoye cul ma pesa.”

¹² “Ŋat'ogoy nyatoro to neko iripo neko.

¹³To k'oyido k'ogendera neko go, abino yero riwin kabedo ma go bino ringo iye.

¹⁴To ka nyatoro won omonjo nyawote to neko akor, woneki go makada nende bedi nike oringo i wi migam paran both.”

¹⁵“Ŋat'ogoy bamere kosa min, iripo neko.”

¹⁶ “Ŋat'okwal nyatoro, to tana kosa to inwaŋo go gine, iripo neko.”

¹⁷ “Ŋat'olam bamere kosa min, iripo neko.”

¹⁸“Ka ji jogore, to ŋat'acel goyo nyawote gi tele kosa nyweny aka ŋato k'otho t'imiyo go kitanda,

¹⁹kenyo ka go obothi to doko cako kicera cera gi luth, ŋat'ogoyo go no ripo culo go ri hola pere m'onyeko, to miyo go kony cuka both.”

²⁰“Ka nyatoro ogoy ŋeca pere, madhako kosa jacwo gi luth to ŋeca no tho i cinge, iripo miyo go gir'acula.

²¹To ka ŋeca no otho rumacen ma ndelo kosa ario, wokiri womiy go gir'acula rupiri ŋeca no obedo lim pere won.”

²²“Ka ji jogore to jomiyo dhako ma yac litho to iye podho woko to ngoye litho man, ŋat'omiyo go litho iripo kitanza go gima cwor dhako no okethi kwoŋe cungo kwoŋ yerok pa jothum banja.

²³To ka dhako won am'omiyo go litho, kenyo gir'acula wobedi kwo ri kwo,

²⁴waŋ ri waŋ, lak ri lak, cingi ri cingi, tiendi ri tiendi,

²⁵waŋ ri waŋ, adhola ri adhola, aka gwarok ri gwarok.”

²⁶“Ka nyatoro ogoyo waŋ ŋeca pere madhako kosa jacwo to waŋe fudhere, wogonyi go paka cul ma waŋe.

²⁷K'ofudho lake, wogonyi go paka cul ma lake.”

²⁸“Ka thwon oguro jacwo kosa dhako to neko, wogoy gi tele aka wokiri wocam riŋo mere. To won mere wokiri womiy gir'acula.

²⁹To k'oyido oŋeyere nike thwon no jagur jo, aka otiek kiri gwoko won mere to weyo ma k'otweyo, to thwon no guro nyatoro, iripo goyo gi tele, aka kiri won mere je woneki.

³⁰To k'oyey kitanza won mere ma botho kwo pere, go ripo culo gima mitere je.

³¹Ka thwon ogur jayac kosa nyako, wotiy gine gi cik acel me.

³²Ka thwon oneki ŋeca ma jacwo kosa madhako, won mere woculi won ŋeca no, feza piero adek, aka thwon no wogoy gi tele to tho.”

³³“Ka nyatoro owey bur m'oyawere kosa okuny bur to weyo ma k'oculo to lapodho iye,

³⁴won bur ripo miyo cul ri le no. Go ripo culo won le pesa, to doŋ gine.

³⁵Ka thwon pa nyatoro oneki apa nyatoro man, kenyo jario joripo kitana thwon makwo, to jopoko pesa mere, aka jowopoki riŋo ma thwon m'otho bende.

³⁶To k'oyido oŋeyere nike thwon no jagur jo aka won mere k'otweyo, kenyo go ripo keŋ gi culo thwon makwo, to go doŋ gi m'otho.”