Read dhopadhola Zabuli 111 Bible Online

Zabuli 111 - dhopadhola bible

Zabuli 111

¹Pak Rwoth! Abino foyin Rwoth gi cunyan je, i cokirok pa ji.

²Tic pa Rwoth dwoŋ, jono je ma josangala gine jomito niaŋ.

³Tic pere opoŋ dwoŋ gi meni, aka go timo gim'otire cil gi cil.

⁴Rwoth omiyo wan poyo tic pere ma gir'aura; go nitie gi wor kodi wor.

⁵Go miyo jono ma jolamo go cemo; go poyo cikirok pere.

⁶Rwoth onyutho ji pere meni ma tic pere, gi miyo jo lowo pa jopath.

⁷Tic ma cingi go mar'adieri aka nigi tiro; Or pere je genere,

⁸jobedo i hongo je; omiy jo iy'adieri gi i nger m'otire.

⁹Rwoth ogonyo ji pere; to timo cikirok ma cil gi cil gi jo. Nyinge leŋ aka nigi meni!

¹⁰Lworo Rwoth obedo cakirok ma rieko; jono ma joluwo Or pere jonigi niaŋ maber. Wopak go cil gi cil.