Read dhopadhola Zabuli 14 Bible Online

Zabuli 14 - dhopadhola bible

Zabuli 14

¹Jomamiŋ jowaco i cuny gin ni, “Were ongoye.” Joje jodakana aka jotimo gimienirok, ongoye kwoŋ jo ŋata timo bero.

²Rwoth ŋiyo ji gi polo, neno ka nitie ji mogo ma jotimo gi rieko, ma jodwaro Were.

³To joje jorwenyo, joje jodakana marom. Ongoye ŋata timo bero be, ongoye kad'acel.

⁴Rwoth penjo ni, “Jokiŋey? Ji ma jotimo reco me je jongoye gi rieko? Jocamo ji paran paka jocamo mugat, aka jokikway Rwoth.”

⁵To kenyo jobino bwok, kole Rwoth nitie gi luse ji ma jotimo tiro.

⁶Winyalo redho woko can pa jocandi, to Rwoth obedo kapondo pajo.

⁷Kabedi both bin ri Isiraili wok i Zayon! Yakobo lasiemere, Isiraili lakisangala ka Rwoth omiy jo kiyindira i gima jotimo kendo!